Мииринэйгэ оҕолор сүрүн үөрэхтэрин таһынан скрипка, фортепиано, хуор курдук эбии дьарыкка сылдьаллар. Бу соторутааҕыта Мииринэйдээҕи муусука оскуолатыгар хомуска үөрэтэр уһуйаан арылынна.
Урут маннык суоҕа. Хомуһу тардарга үөрэниэн баҕалаах 5-12 саастаах оҕолору ааспыт ыйы быһа ыҥырдылар. Балаҕан ыйын 30 күнүгэр хомусчуттар хомуурдара бүттэ. Медкэмииссийэ оҕолор доруобуйаларын туругун көрөн баран, хомуһунан дьарыгырыан сөбүн туһунан сөбүлэҥ биэриэхтээх.
Станислав Алексеев, Мииринэй куората.