Ил Түмэҥҥэ Аҕа Дойду Улуу сэриитигэр аатырбыт снайпер Иван Кульбертиновка аналлаах пааматынньык бырайыагын туһунан дьүүллэстилэр.
Пааматынньыгы тутуу Аҕа Дойду Улуу сэриитин 75 сыллаах үбүлүөйдээх тэрээһиннэр торумнарыгар киирэ сылдьар. Пааматынньык барыллаан былаан быһыытынан киин куорат Чернышевскай уулуссатыгар туруоҕа.
Спикер Петр Гоголев “Саха снайперадара – өрөспүүбүлкэ киэн туттуута, биһиги алмааспыт курдук бренд буолуохтарын сөп. Онон кинилэргэ сүгүрүйэрбитин биллэрэн хайаан да пааматынньыгы туруорурхтаахпыт” диэтэ уонна Иван Кульбертиновка Сэбиэскэй Сойууй Героя ааты иҥэрэргэ үлэ барыахтааҕын, ол сиэрдээх буолуо этэ диэн эбэн эттэ.