Саха сирин суһал ыстаабын киинэ иһитиннэрэринэн, тохсунньу 28 күнүнээҕи туругунан, саҥа хоруона вируһунан 2305 сутуллуу баара билиннэ. Бу – хамсык саҕаланыаҕыттан хаһааҥҥытааҕар даҕаны өссө биир муҥутуур элбэх көрдөрүү! Бу иннинээҕи күн 1937 этэ. Сэттэ күн иһигэр 10 698 киһи ыалдьыбыт! Олорбуппут сыччах диэххэ айылаах буолаары гынна. Оттон улуустарга хайдаҕый?
- Дьокуускайга – 1659 киһи,
- Мэҥэ-Хаҥаласка – 197,
- Алдаҥҥа – 70,
- Мииринэйгэ – 35,
- Хаҥаласка – 32,
- Үөһээ Бүлүүгэ – 30,
- Намҥа – 29,
- Ньурбаҕа – 24,
- Томпоҕо, Уус Алдаҥҥа – 21-дии,
- Ленскэйгэ – 19,
- Сунтаарга, Тааттаҕа – 18-тыы,
- Аммаҕа – 17,
- Нерюнгрига – 16,
- Уус Майдаҕа – 15,
- Муомаҕа – 11,
- Бүлүүгэ - 9,
- Горнайга – 7,
- Усуйаанаҕа – 6,
- Өлөөҥҥө – 4,
- Абыйга, Өлүөхүмэҕэ – 3-түү,
- Эдьигээҥҥэ – 2,
- Өймөкөөҥҥө – 1.
Суукка иһигэр өрөспүүбүлүкэ лабаратыарыйаларыгар 8990 хоруона вируһун булууга чинчийии буолбут. Хамсык саҕаланыаҕыттан 1 916 186 тиэст оҥоһуллубут.
Төһө даҕаны ыарыыбыт сындыыс сулустуу түргэнник тарҕаннар, элбэх киһи ыарыыны чэпчэкитик аһарына сылдьар диэн быраастар этэллэр.