Хороҕор муостаах хойуннун

24.07.2014 16:36 | Автор: Admin | Көрдүлэр: 3091   
Печать

Сыл саҕаланыаҕыттан өрөспүүбүлүкэҕэ 27 795 ынаҕы буоһаттылар. Ол иһигэр 14 403 кэтэх, 5 980 – бааһынай хаһаайыстыба, 7 412 – тэриллиилээх хаһаайыстыба ынаҕын. Ити туһунан СӨ ТХМҥа уонна аска-үөлгэ бэлиитикэтин министиэристибэтин пресс-сулууспата иһитиннэрэр.

 

“Кутан буоһатыы туһунан дуогабары 23 улууһу кытары баттаспыппыт. Өрөспүүбүлүкэҕэ буоһатыыга барыта 404 анал идэлээх киһи үлэлии сылдьар. Тэрилтэ муниципальнай улуустарга 1 мөл. солк. суумалаах биирдэ туттуллар үстүрүмүөннэри биэрдэ”, – диэн “Сахаплемобъединение” ААУо генеральнай дириэктэрэ Степан Охлопков кэпсиир.

“Сахаплемобъединение” ААУо докумуоннарыттан көрдөххө, ынах сүөһүнү аммалар, ньурбалар, өлүөхүмэлэр уонна кэбээйилэр бытааннык буоһаталлара көстөр. Оттон былааны кэмигэр толорбут улуустарга министиэристибэ өрөспүүбүлүкэ 2014 с. бүддьүөтүттэн буоһатыыга анаммыт үп-харчы 80 %-нын ыытар. Хаалан иһээччилэр – мэлийэллэр. Бу туһунан СИА суруйар.