Ааспыт сууккаҕа саҥа хоруона вируһунан 487 киһи сутулунна

Ааспыт суукка иһигэр, саҥа хоруона вируһунан 487 киһи сутулунна.

Саха сиригэр COVID-19 ыалдьааччы ахсаана кыратык аҕыйаата. Ааспыт түөрт күн иһигэр бу ыарыынан ыалдьааччы ахсаана 500-н тахсар эбит буоллаҕына, бүгүн 487 киһиэхэ буллулар. Бу туһунан Өрөспүүбүлүкэтээҕи суһал ыстаап киинэ иһитиннэрэр.

Дьокуускай куоракка саҥа ыалдьыбыт дьон ахсаана 359 буолла.

Оройуоннарга:

- Мииринэй оройуонугар – 20;

- Мэҥэ Хаҥаласка – 17;

- Хаҥалас улууһугар – 11;

- Горнай оройуонугар – 8;

- Бүлүү, Нам улуустарыгар – 7-лии;

- Ньурба улууһугар - 6;

- Алдан, Кэбээйи, Ленскэй, Уус Алдан оройуоннарыгар – 5-тии;

- Үөһээ Бүлүү, Нерюнгри, Чурапчы оройуоннарыгар – 4-түү;

- Эдьигээн, Сунтаар, Таатта улуустарыгар – 3-түү;

- Өймөкөөн оройуонугар – 2;

- Абый, Анаабыр, Үөһээ Халыма, Үөһээ Дьааҥы, Муома, Өлүөхүмэ, Өлөөн, Орто Халыма, Усуйаана – 1-дии.

Эрдэ Роспотребнадзор биллэрбитинэн, ыалдьааччы ахсаана элбээбитин иһин, уопсастыбаннай сирдэргэ маасканы кэтии ирдэммитэ. Иһитиннэриилэргэ этиллэринэн, саҥа хоруона вируһунан быһыыны ылбатах уонна хаттаан ылыахтаах дьон ордук күүскэ ыалдьаллар эбит. Онон, Өрөспүүбүлүкэтээҕи Суһал ыстаап киинэ аҕам саастаахтар, 60 саастарын ааспыт уонна хроническай ыарыылаах дьон быһыыны бастатан туран ылыахтаахтар диэн иһитиннэрэр. Маны сэргэ, быһыыны мэдиссиинэ, үөрэх уонна социальнай эйгэ үлэһиттэрэ ылаллара булгуччулаах.