Хой
Кэргэннээх, оҕолоох хойдору бу нэдиэлэҕэ дьиэ-уот өрө тардыытыгар, оҕо иитиитигэр сыһыаннаах бэртээхэй түбүк-садьык күүтэр. Айаҥҥа, куруорка барарга, сынньанарга-көрүлүүргэ аһара бэрт кэм. Сынньана, айанныы сылдьар дьоҥҥо элбэх үөрүүлээх түгэн баар буолуо. Саарбах соҕус ууга сөтүөлээмэ уонна тугу эрэ кистээн оҥорбутуҥ биллэн хааларыттан сэрэн. Нэдиэлэ бүтүүтэ ыраахтан ыалдьыттар, аймахтар кэлиэхтэрин сөп.
Оҕус
Нэдиэлэ саҕаланыыта доҕотторгун кытта кыыһырсыаххын, урут эйигиттэн кистии сылдьыбыт сонуннарын билиэххин, ким эрэ этиитин сыыһа өйдөөн алҕас түмүк оҥостуоххун сөп. Өйдөммөт быһыыны-майгыны дириҥэппэккэ, тута быһаарсан кэбис. Сыалгын-соруккун ситиһэр уһун-киэҥ, ыраах былааннары оҥостума. Син биир кыайыаҥ суоҕа. Нэдиэлэ иккис аҥаарыгар чугас дьоҥҥун кытта элбэх үөрүү-көтүү, сынньалаҥ күүтэр.
Игирэлэр
Нэдиэлэ саҕаланыыта ыал дьон сыһыаныгар мунаах соҕус түгэннэр үөскүөхтэрэ. “Миигиттэн тугу эрэ кистииллэр” диэн хос санаалааххын. Быһата, өйдөһүө суоххутун сөп. Маннык балаһыанньаҕа түргэн түмүгү оҥостума. Нэдиэлэ иккис аҥаара үчүгэй буолуо. Сыаналаах малы, холобур, ювелир оҥоһугун, муодунай таҥаһы уо.д.а. атыылаһан үөрүөҥ. Барыта аһара бэрт буолуоҕун, харчы боппуруоһа уустуга атахтыыр.
Араак
Нэдиэлэ саҕаланыыта дьиэҕэр улахан убуорканы былааннаама. Ол туһатынааҕар буортута улахан буолуо. Туох эрэ сыаналаах малы сүтэриэххин сөп. Эксээмэни туттарааччыларга бу эмиэ табыгаһа суох кэм. Нэдиэлэ иккис аҥаарыгар “имиджкин” уларыт, сирэйгин-хараххын, баттаххын өрө тардын, таҥаскын-сапкын саҥардан биэр, уопсайынан, истиилгин тупсар. Бу кэмҥэ эн туора дьон хараҕар аһара ис киирбэх буолан тупсан көстөҕүн.
Хахай
Тус олоххо, тапталга сиирэ-халты туттунар, толоос алҕаһы таһаарар чинчилээххин. Ити чааһыгар туох кыалларын, туох көҥүллэнэрин-көҥүллэммэтин араарбат турукка киирэҥҥин, мээнэ күнүүлээн, иирсээни күөртүүгүн. Ол эрээри чэппиэртэн саҕалаан “таптал фронугар” балаһыанньа көнөн, оннун булан барыа, барыта сааһыланыа. Тус бэйэҥ олоххор сыһыаннаах кистэлэҥ боппуруостаргын быһаараргар үтүө кэм.
Кыыс
Кыайан өйдөспөт буолаҥҥын, доҕоргун кытта сыһыаҥҥар тыҥааһын үөскүө. Кэргэниҥ быһыыта-тутуута, майгыта-сигилитэ уорбалыыр, дьиксинэр санааны үөскэтэр. Күнүүлэһии элбэх буолуо. Төһө да быһаарса сатаабыккыт иһин — өйдөһүү син биир суох. Ол эрээри, ханнык эрэ чугас доҕоргут көмөтүнэн сыһыаҥҥыт оннун булуо, сааһыланыа. Эһиги олоххутугар чугас дьоҥҥут үтүө сабыдыаллара улаатар чинчилээх.
Ыйааһын
Бүтэн-оһон биэрбэт, салгымтыалаах үлэлээх буоллаххына, үлэҕиттэн дэлби сылайыаҥ, хал буолуоҥ. Тугу да гыныаххын баҕарбаккын. Ол түмүгэр дьоҥҥо эрэннэрбиккин толорбоккун, туһааннаах дьыалаҕын дьаалатынан ыытаҕын. Хантан эмэ күүс-уох булунан, үлэҕин үмүрүтэ сатаа. Нэдиэлэ иккис аҥаарыгар арыый өрө тардыныаҥ. Үлэҕэр-олоххор сыалла туруорун. Төрөппүттэргин кытта сыһыаҥҥын тупсараргар үчүгэй кэм.
Скорпион
Дьиэлээх-уоттаах дьон үпкэ-харчыга кичэллээхтик сыһыаннаһыҥ. Оҕо тараҥнаатаҕын аайы сыаналаах малы атыылаһан ороскуотурумаҥ. Уопсайынан, болҕойон көр: оҕоҥ эйигиттэн тугу эрэ кистиир, албынныы сатыыр буолуон сөп. Таптал уоннна романтика чааһыгар нэдиэлэ иккис аҥаара чэчирии тупсуо. Сулумах скорпионнар куруорка сынньана бараллара ордук. Онно кинилэри истиҥ иэйии, сонун билсии, таптал күүтэр.
Охчут
Нэдиэлэ саҕаланыыта охчуттар чугас дьоннорун кытта тапсыбакка уустуктары көрсүөхтэрэ. Бу – ыалдьыттары көрсөргө, арыгыны иһэргэ букатын табыгаһа суох кэм. Кэтэнэ-манана сырыт, тугу эрэ уордарар кутталлааххын. Уопсайынан, матырыйаалынай баайгар болҕомтолоохтук сыһыаннас. Улахан ороскуот тахсар куттала баар. Нэдиэлэ иккис аҥаарыгар туох барыта оннун булуо, уоскуйуо. Баайгын-дуолгун сааһылан, страховкалаа.
Чубуку
Нэдиэлэ саҕаланыыта дьону, доҕотторгун кытта алтыһыыны лаппа аҕыйат. Тус бэйэҥ эбэтэр эн чугас дьонуҥ туһунан бөрүкүтэ суох, хараардар сураҕы истэн соһуйуоххун сөп. Ону истибэккэ-билбэккэ сылдьыбытыҥ ордук. Ким оннук сураҕы тарҕатарын көрдөөн да туһа суох: булуоҥ суоҕа. Ону тэҥэ, көрүлүү, сынньана барарга эмиэ табыгаһа суох кэм. Чэппиэртэн саҕалаан чугас киһигин кытта сыһыаныҥ тупсан барыа.
Күрүлгэн
Ханнык эрэ саарбах дьон үпкэ-харчыга сыһыаннаах хараҥа дьыалаларга кучуйа, кыттыһыннара сатыыллар. Онно киирэн биэримэ, кимиэхэ да харчы иэһээмэ. Ол харчыҥ син биир төннүө суоҕа. Нэдиэлэ иккис аҥаара — ханнык эрэ дьиэ харамайын, ыты, куосканы, аквариум балыгын атыылаһарга бэртээхэй кэм. Ханнык баҕарар үлэ эйиэхэ үөрүүнү-көтүүнү эрэ бэлэхтиэ, оҥорбутуҥ-туппутуҥ барыта эҥкилэ суох сатанан иһиэ.
Балыктар
Тугунан түмүктэнэрэ биллибэт саарбах дьыалаларга кыттыһыма. Бу күннэргэ тугу да гымматах ордук. Холобур, истиилгин, “имиджкин” уларыта сатаама. Ким да ону сыаналыа, “тупсубуккун” диэ суоҕа. Нэдиэлэ иккис аҥаара таптал боппуруоһугар аһара бэркэ ааһар чинчилээх. Ыал дьон дьиэлээхтэрин, оҕолорун ситиһиилэриттэн манньыйыахтара, дуоһуйуохтара.