Күрэс түмүгэ

“Байдам” сурунаал уонна “Ситим-Медиа” ХЭУо биллэрбит “Аныгы кэм тупсаҕай дьиэтэ” хаартыска күрэһэ номнуо түмүктэннэ, кыайыылаахтар ааттара билиннэ.“Байдам” сурунаал уонна “Ситим-Медиа” ХЭУо биллэрбит “Аныгы кэм тупсаҕай дьиэтэ” хаартыска күрэһэ номнуо түмүктэннэ, кыайыылаахтар ааттара билиннэ.

Муус устар 20 күнүттэн муус устар 30 күнүгэр диэри ыытыллыбыт куоластааһын түмүгүнэн, Чурапчы улууһун эдэр ыаллара Мария уонна Руслан Васильевтар 668 биһирэбил куолаһы хомуйан, эрэллээхтик бастаатылар. Иккис миэстэҕэ Мэҥэ Хаҥаластан Ольга уонна Антон Никулиннар дьиэ кэргэттэрэ таҕыста. Кинилэр 349 куоластаахтар. Үһүс миэстэҕэ Хаҥалас улууһун Покровскайын олохтооҕо Андрей Варламов тигистэ (5 куоластаах). Кыайыылаахтары барыларын эҕэрдэлиибит уонна ыам ыйын 10 күнүгэр 10 чаастан бириистэрин эрэдээксийэттэн (аадырыһа: Кирова уул., 18 дьиэтэ, В блок, 7 этээс, 709 хос) кэлэн ылалларыгар ыҥырабыт.

Тэрийэр хамыыһыйа.

Ис хоһооно

Тыа сирин дьонун-сэргэтин олохторун-дьаһахтарын тупсуутун биир сүрүн көстүүтэ – тупсаҕай көстүүлээх, толору хааччыллыылаах, тып-тап оҥоһуулаах  дьиэҕэ-уокка нус-бааччы олоруулара буолар. Онон “Байдам” сурунаал, “Ситим-Медиа” ХЭУо уонна “Кыым” норуот хаһыатын саайта kyym.ru күрэс биллэрэллэр.

Күрэс усулуобуйата

Кыттааччы бэйэ дьиэтин-уотун тупсаҕай тас көстүүтүн (дьиэ сарайын, күүлэтин), сиэдэрэй ис оҥоһугун, толору хааччыллыыны хайдах оҥостубутун (өскөтүн баар буоллаҕына) көрдөрөр хаартыскалары kyym.ru саайтка эбэтэр Этот адрес электронной почты защищён от спам-ботов. У вас должен быть включен JavaScript для просмотра. электроннай аадырыска ыытар.

Күрэскэ маһынан тутуллубут дьиэлээх-уоттаах дьон кыттыыны ылаллар.

Ким хайдах ньыманан дьиэтин-уотун хаартыскаҕа түһэрэрэ — көҥүл.

Хас биирдии хаартыска булгуччу үрдүк хаачыстыбалаах, тугу көрдөрөрүн быһаарар тэттик суруктаах буолуохтаах.

Кыттааччы Саха сирин олохтооҕо уонна 18-тан үөһэ саастаах буолара булгуччулаах.

Биир сайаапкаҕа 7-тэн элбэх хаартыска баар буолуо суохтаах.

Биир хаартыскаҕа кыттааччы хайаан да дьиэтин таһыгар түспүтэ көстүөхтээх.

Үлэлэри kyym.ru саайтка угабыт. Дьон саайтка киирэн хас биирдии кыттааччы үлэтигэр куоластаан “биһирэбил” (лайк) туруорар. Муҥутуур элбэх “биһирэбил” (лайк) хомуйбут кыттааччы кыайыылааҕынан ааттанар. Эбии 2-с, 3-с миэстэлэр, анал ааттар олохтоноллор. Кыайыылаахтары сыаналаах бириистэр, туоһу суруктар күүтэллэр.

Күрэскэ сайаапкалары уонна үлэлэри кулун тутар 19 күнүттэн муус устар 19 күнүгэр диэри хомуйабыт.

Сайаапкаҕа толору ааты-суолу, аадырыһы, төлөпүөнү ыйыы булгуччулаах.

Куоластааһын муус устар  20  күнүттэн муус устар 30 күнүгэр диэри барыаҕа.

Түмүк үлэ күнүн көрсө, ыам ыйын 1  күнүгэр биллиэҕэ. Кыайыылаахтар ааттара “Кыым” хаһыакка уонна kyym.ru саайта бэчээттэниэхтэрэ.

Күрэскэ киирбит бастыҥ үлэлэри “Байдам” сурунаал эрэдээксийэтэ бэйэтин көрүүтүнэн сурунаалга бэчээттиир эбэтэр туһанар толору бырааптаах. Кыайыылаахтары наҕараадалааһын күнүн-дьылын төлөпүөнүнэн сиһилии биллэриэхпит.

Тэрийэр хамыыһыйа.