Хамнас үрдээтэ
02_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copyБэрт соторутааҥҥа диэри Саха сиринээҕи бүддьүөт эйгэтигэр үлэлиир 13 800-чэ киһи тииһинэн олоруу алын кээмэйиттэн (прожиточный минимум) кыра хамнаһы аахсаллара. 2014 сыл т...
Биэнсийэ туһунан
74_copy_copy_copy_copy_copy_copyКэнники сүүрбэ сыл устата дойдубут экэниэмикэтэ сатаан сааһыламматаҕын түмүгэр, киһи күннээҕи аһыгар-таҥаһыгар тиийэр биэнсийэ тиһигэ эмиэ кыайан оҥоһуллубата. Ол иһин, би...
Сүрүн сирэй Сонуннар Тиһэх сонуннар “Ситим” – ааҕааччылыын 10 сыл!

Сонуннар

Олунньу 13 күнэ – Төрөөбүт тыл уонна сурук-бичик күнэ!
28-12-2015 17-08 | Көрдүлэр: 8117
Төрөөбүт тыл уонна сурук-бичик күнүн көрсө, олунньу 13 күнүттэн 21 күнүгэр диэри Саха сирин тө...
Саҥа сокуон инбэлииттэри көмүскүө
28-12-2015 16-54 | Көрдүлэр: 4590
Ил Түмэн ХХ уочараттаах пленарнай мунньаҕар дьокутааттар А.Корякин уонна А.Атласова инбэлиит д...
Максим Аммосов сырдык кэриэһигэр
28-12-2015 16-37 | Көрдүлэр: 4820
“Ахсынньы 22 күнэ – саха норуотун устуоруйатыгар бэлиэ күн. Бу күн, 1897 сыллаахха саха судаар...
Тупсарыы сыл
28-12-2015 16-31 | Көрдүлэр: 19807
2016 сылы Саха Өрөспүүбүлүкэтигэр «Нэһилиэнньэлээх пууннары тупсарыы сылынан биллэрэр туһунан”...
"Мандар ааҕыыларын" түмүктэриттэн
21-12-2015 17-38 | Көрдүлэр: 4322
Кэмпириэнсийэ пленарнай мунньаҕар тыл эппит салалта, учуонай эйгэ ытык дьоно, ыалдьыттар бука ...
Кыайыыны уhансыбыттар
12-11-2015 17-53 | Көрдүлэр: 5173
"КЫЫМ" норуот хаhыата уонна "Будь в курсе" информационнай мобильнай сыһыарыы көҕүлээһиннэр...
ИЯКН дириэктэрэ Г.Г.Торотоев
12-11-2015 17-48 | Көрдүлэр: 4370
М.К.Аммосов аатынан ХИФУ РФ хотугу норуоттарын тылларын уонна култууратын µ³рэтэр Институуту...
Сир сокуонун тула
12-11-2015 17-47 | Көрдүлэр: 5561
Сэтинньи 3 кµнµгэр Сунтаар Устьетыгар улуус Нэ´илиэктэрин ба´ылыктарын сэбиэтэ мустан, 2016 сы...
Тэрилтэлэр, урбаанньыттар бол±ойу²
12-11-2015 17-36 | Көрдүлэр: 4162
Нолуогу судургутуллубут систиэмэнэн (упрощенная система налогооблажения) т³лµ³н ба±арар, ол гы...
Ас-үөл сыанатынан үһүс миэстэлээхпит
08-10-2015 15-36 | Көрдүлэр: 3967
Тыыннаах сылдьарга сиэнэрэ булгуччулаах ыйдааҕы ас дьоҕус нобуора диэн өйдөбүл баар. Нууччалыы...
Петр Наумовы – “Я – гражданин” аакка!
08-10-2015 15-33 | Көрдүлэр: 2875
Хараҕынан бастакы курууппалаах инбэлиит, 65-с хаарын санныгар түһэрбит, Кыайыы 70 сылыгар анаа...
Муостабыт дьылҕата – Кытай инвестордарын илиитигэр?
08-10-2015 15-32 | Көрдүлэр: 2995
Өлүөнэни туоруур муоста дьэндэйэрин кэтэһээччи элбэх. Соторутааҕыта Санкт-Петербурга Росавтодо...
Сочига Арктиканы кэпсэтэллэр
08-10-2015 15-20 | Көрдүлэр: 2884
Сочига, бу дьыл алтынньы 5 к., Арктиканы сайыннарыы боппуруоһунан дьарыктанар судаарыстыба хам...
Өссө 10 оскуола
03-09-2015 20-11 | Көрдүлэр: 2957
СӨ Үөрэххэ министиэристибэтин тиһэх чахчыларыттан көрдөххө, күн бүгүн өрөспүбүлүкэ үрдүнэн уоп...
“Сибиир күүһэ” бигэргэннэ
03-09-2015 20-03 | Көрдүлэр: 2899
Бу күннэргэ премьер Д.Медведев “илин диэки” тардыллар гаас ситимин (ол иһигэр “Сибиир күүһүн”)...
* Бесплатно для абонентов СТК по всей РС(Я), (кроме ТП "Фристайл")

“Ситим” – ааҕааччылыын 10 сыл!

19.12.2013 10:00 | Автор: Владимир Степанов | Көрдүлэр: 2360   
Печать

DSC_3822Ахсынньы 17 күнүгэр Дьокуускайга Бэчээт дьиэтигэр “Ситим” медиа-бөлөх төрүттэммитэ 10 уонна “Молодежь Якутии” хаһыаппыт 55 сылын туолбутун бэлиэтээтибит. “Ситим” 2003 с. саҥа тэриллэн баран үлэтин өрөспүүбүлүкэ номоххо киирбит хаһыаттарын тилиннэрииттэн саҕалаабыта. Ол курдук, 1990-с сыллардааҕы дойдуга былаас, экэниэмикэ уларыйар   дьалхааннаах кэмнэригэр үптэн кыһарыйтаран сабылла сылдьыбыт “Молодежь Якутии” хаһыаты -- 2003, онтон өрөспүүбүлүкэбитин төрүттэспит “Кыымы” 2004 с. тилиннэрбитэ. Ити курдук урукку уонна аныгы үйэни ситимнээн, “Ситим” бэйэтин аата да этэ сылдьарын курдук, ситими-сибээһи олохтоон барбыта.

“Кыым” устуоруйатыттан аҕыннахха, урукку эрэдээктэрбит, өрөспүүбүлүкэ биллиилээх суруналыыһа Ф.П. Егорова өлбүтүн кэннэ, оччотооҕу “кыымнар” 2001 с. бэрэсидьиэн быыбарыгар “былаас хандьыдаатын” өйөөбөтөх “буруйбутугар”, үбүлээһиммит быстан сылтан ордук кэм тахсыбакка олорбуппут. Ити ыарахан кэмҥэ “Ситим” генеральнай дириэктэрэ М.Н. Христофорова кэлэн “норуоппут номоххо киирбит хаһыатын аатын тилиннэриэҕиҥ!” диэн ыҥырбыта. Ол кэннэ күүстээх үлэ үөһүгэр түспүппүт.

Туох кистэлэ кэлиэй, ырыынак саҕаланыаҕыттан ыла ханна баҕарар “сылаас миэстэҕэ” бэйэ дьонун, аймахтары, биир дойдулаахтары, “бэйэ хамаандатын дьонун” ыла сатыыр, сайдыыны харгыстыыр мөкү адьынат баар. Мария Николаевна оннук киһи буолбатах этэ, дьону бастатан туран идэтийиилэрин таһымынан көрөн сыаналыыра. Инньэ гынан, олохторун сахалыы бэчээти кытта ситимнээбит оччотооҕу “Кыым” биэс үлэһитэ хаһыаппытыгар билиҥҥэ диэри үлэлии сылдьабыт. Уопсайынан, биһиги тэрилтэбитигэр мэлдьи да каадыры идэтин таһымынан, билиитинэн, үлэҕэ сыһыанынан көрөн таҥабыт. Ол – “Ситим” халбаҥнаабат сокуона. Үлэ-хамнас оннук тэриллибит буолан, “Кыым” аҕыйах сылынан өрөспүүбүлүкэ олохтоохторун киэҥ биһирэбилин ылбыта, саамай элбэх ааҕааччыламмыта. Оттон М.Н. Христофорова “Кыымы” тилиннэриигэ үлэтэ дойду медиа-эйгэтигэр  билиниллэн, 2011 с. “Арассыыйа бастыҥ медиа-менеджерэ” аатын ылбыта.

“Кыым” хаһыат, син биир урукку-хойукку дьылларга курдук, күн бүгүнүгэр диэри норуот духуобунай айар күүһүн түмэр, сүрүннүүр, уопсастыбаннай көҕүлээһини, сонун тэрээһиннэри иилээн-саҕалаан ыытар.

Сахаҕа үтүөнү баҕарбат дьон мэлдьи да кэриэтэ “сахалар биисинэс эйгэтигэр мөлтөхтөр, ырыынакка күрэстэһэр, тулуктаһар кыахтара-дьулуурдара суох” диэн ыаһах оҥостоллорун истэбит. Дьиҥинэн, оннук буолбатах. Сатабыллаах, ситиһиилээх үлэлээх дьоммут, тэрилтэбит биһиэхэ элбэх. “Ситим” -- олортон биирдэстэрэ.   Бүгүн тэрилтэбит 5 хаһыаттаах, 5 сурунааллаах, үс интэриниэт таһаарыылаах, уопсайа 100-чэ тыһыынчаҕа чугаһыыр ааҕааччылаах, Арассыыйа таһымыгар киэҥник биллэр ситиһиилээх үлэлээх, өрөспүүбүлкэбит уонна РФ Уһук Илинин биир улахан медиа-тэрилтэтэ.

 

“Ситим” СМИ-лэрэ

 

  1. «Кыым» хаһыат. 1921 с. тэриллибит, норуоппут кута-сүрэ иҥпит, судаарыстыбаннаспыт акылаатын уурбут дириҥ устуоруйалаах хаһыаппыт. Бүгүн саха тылынан тахсар өрөспүүбүлүкэ саамай элбэх тиражтаах хаһыата.
  • 2007 с. Дагомыска суруналыыстар аан дойдутааҕы бэстибээллэригэр Арассыыйа регионнарын хаһыаттарын ортотугар III миэстэҕэ тахсыбыта.
  • 2009 с. СӨ бастыҥ хаһыатын аатын ылбыта.
  • Арассыыйа тиражка национальнай сулууспатын (ТНС) «Тираж – рекорд года - 2009» бириэмийэтин лауреата.
  1. «Молодежь Якутии» хаһыат. 1958 с. тэриллибит Саха сирин бырамыысыланнаһын төрүттээһин летописеһа.
  • Дагомыска ыытыллыбыт Арассыыйа СМИ-лэрин IX бэстибээлин лауреата.
  • Суруналыыстар «Вся Россия-2013» диэн XVII бэстибээллэрин лауреата.
  1. «Спорт Якутии» хаһыат. 2005 с. тэриллибитэ. Саха сиригэр, Арассыыйаҕа, аан дойдуга ыытыллар спорт тэрээһиннэрин сырдатыыга дириҥник идэтийбит өрөспүүбүлүкэ соҕотох хаһыата.
  • 2010 с. СӨ бастыҥ хаһыатын аатын ылбыта.
  • ТНС «Регион саамай элбэх тиражтаах спортивнай хаһыата» номинацияҕа «Тираж – рекорд года» 2011-2012 сс. бириэмийэтин лауреата.
  1. «Ваше право» хаһыат. 2010 с. тахсар. Өрөспүүбүлүкэ нэһилиэнньэтин сокуон, быраап өттүнэн сайыннарарга, сырдатарга, нэһилиэнньэ интэриэһин туруулаһарга идэтийбит хаһыат.
  2. «Бэлэм буол +» оҕо хаһыат 2014 с. тахсыа. Киэҥ ааҕааччыны хабан, кэлэр өттүгэр сахалыы ааҕар дьон ахсаанын хаҥатар, саха тылын туттуллар эйгэтин кэҥэтэр сыаллаах тэриллэн эрэр хаһыат.
  3. «Күрүлгэн» уус-уран литэрэтиирэ альманаҕа. Саамай элбэх тиражтаах, уус-уран литэрэтиирэ сайдыытыгар төһүү буолар уус-уран сурунаал.
  • ТНС «Национальнай тылынан тахсар сурунаал» номинациятыгар «Тираж – рекорд года» 2011-2012 сс. бириэмийэтин лауреата.
  1. «Хатан»-- аныгы кэм ирдэбилигэр эппиэттиир үрдүк полиграфическай хаачыстыбалаах, саамай элбэх тиражтаах өҥнөөх ыччат сурунаала.
  • ТНС «Национальнай тылынан тахсар оҕо сурунаала» номинацияҕа «Тираж – рекорд года» 2011-2012 сс. бириэмийэтин лауреата.
  1. «Байдам» -- саха урбаанньыттарыгар, уустарыгар-иистэригэр, тыа сирин оҥорон таһаарааччыларыгар тирэх буолар суолдьут сурунаал. 2010 с. тахсар.
  2. «Здоровье есть» -- Саха сирин олохтоохторо чөл туруктаах, киил доруобуйалаах буолалларын туһугар үлэлиир өҥнөөх сурунаал.  2011 с. тахсар.
  3. «Yakutia today». “Саҥа үйэ сайдыылаах сахата хас да омук тылын баһылыахтаах, Саха сирин атын омуктар эмиэ билиэхтээхтэр” диэн өй-санаа кыымын күөртүүр, араас омук тылынан 2010 сылтан ыла тахсар сурунаал.
  4. «Якутия24» инф. ааҕыныстыба нууччалыы тылынан сонуну тарҕатыы эйгэитигэр 2007 с. үлэлиир.
  5. «Кыым.ру» 2010 сылтан ыла саха тылынан тахсар интэриниэт-портал.

13. «Нэһилиэк.ру» портал нэһилиэктэр суолталарын үрдэтиигэ, кинилэр икки ардыларыгар ситими олохтооһуҥҥа анаан 2011 с. тэриллибитэ.

***

“Ситим” үлэтэ хаһыат-сурунаал эрэ таһаарыытынан муҥурдаммат. Элбэх кинигэни бэчээттээн таһаардыбыт. Холобур, быйыл РФ Айылҕа харыстабылын Сылын чэрчитинэн, СӨ Айылҕа харыстабылын министиэристибэтин сакааһынан, Сахабыт сирин айылҕатын туһунан бэрт улахан, үтүөкэн альбому оҥорон таһаардыбыт (аҕыйах хонуктааҕыта). Манна Саха сирин, Арассыыйа, омук сирин фотографтарын үлэлэрэ киирдилэр. Былырыыҥҥыттан саҕалаан норуоппут киэн туттар дьонун туһунан кинигэ сиэрийэтин таһаарабыт. Былырыын Алампа, быйыл Ойуунускай туһунан кинигэлэр бэчээттэннилэр.

Элбэх уопсастыбаннай үлэни ыытабыт. Олортон биирдэстэрэ -- өрөспүүбүлүкэ тас өттүгэр олорор саха дьонун кытта сибээһи олохтооһун уонна бөҕөргөтүү. Бу хайысхаҕа Н.Н. Павлов-Халан салайааччылаах “Тас сахалар” уопсастыбаннай хамсааһыны кытта ыкса үлэлэһэбит. 2010 с. М.Н. Христофорова салайааччылаах Саха сирин бөлөҕө Красноярскай кыраайга олорор Дьэһиэй сахаларыгар бара сылдьыбыта. Ол сырыы түмүгүнэн, Дьэһиэйгэ саха тылын үөрэтии туруга сэргэхсийбитэ, дьэһиэйдэр хотугу аҕыйах ахсааннаах омуктарга көрүллэр чэпчэтиинэн туһанар буолбуттара.

***

2011 сылтан “Ситим” өрөспүбүүлүкэ имиджин үрдэтиигэ күүскэ үлэлэһэр. Биһиги саныырбытынан, Саха сирин усулуобуйатыгар инновация сайдыытын сүрүн тирэҕэ уонна норуоппутун түмэр, сомоҕолуур күүс -- төрүт култуурабыт, үгэстэрбит, духуобунаспыт, төрөөбүт тылбыт. Төрөөбүт тылбытын уонна норуоппут устуоруйабытын билбэт гына “аһара сайдан”, үтүктээйи буолан, атыттар сыарҕаларыгар олорсон – ыраах барбаппыт. Түмсүүлээх норуот – көмүөл күүһэ, ону туох да кыайбат.

Оннук да буолан, сахалар 2011 с. 1344 киһилээх “Аан дойдуга саамай улахан хомусчуттар ансаамбылларын”, 2012 с. 15293 киһи кыттыылаах “Оһуокай -- аан дойдуга саамай улахан хоробуот үҥкүүтүн”, Ньурбаҕа “саамай уһун тыынаах оһуокайы” тэрийэн Гиннес рекордарын кинигэтигэр киирбиппит, норуоппут түмсэргэ дьулуурун көрдөрбүппүт. Ханна да сырыттахха, ханнык да таһымҥа кэпсээтэххэ, киһи эрэ барыта ол рекордарбытын олус сэргиир, сөҕөр-махтайар. Төрүт култуураны өрө тута сылдьыы – сайдыылаах омук сиэрэ.  Билигин дойду салалтатыгар “Арассыыйа сайдыыта норуот үгэстэригэр, култууратыгар, духуобунай баайыгар тирэҕириэхтээх” диэн элбэхтик этэр буоллулар. Аҥаардас ол да биһиги улахан соруктары толорбуппутун кэрэһилиир.

Быйыл кыһын Арассыыйаҕа киэҥник биллэр, сураҕырар «Серебряный лучник»  диэн уопсастыбаннай сибээс сайдыытын күрэҕэр «Якутский хоровод «Осуохай» — синергия круга традиций и современности» диэн бырайыагынан кытынныбыт. Былырыын хомуһунан кыттан “5 бастыҥ бырайыак” ахсааныгар киирбит эбит буоллахпытына, быйыл «Лучший проект по развитию и продвижению территорий» диэн номинацияҕа кыайдыбыт,  Саха сириттэн аан бастаан “Серебряный лучник” национальнай бириэмийэ лауреатын үрдүк аатын ыллыбыт.

Ити курдук, “ситимнэр” саха хомуһа, оһуокайа аан дойду үрдүнэн суон сураҕырарыгар улахан кылааты киллэрбиппитинэн киэн туттабыт. Быйыл сайын элбэх киһини түмпүт, улахан суолталаах уопсастыбаннай тэрээһини кыайа-хото тэрийбиппит иһин, “Дьыалабыай Арассыыйа” “Үтүө дьыала” диэн бириэмийэтигэр  тигистибит. Номинациябыт биһиги тапталлаах Сахабыт сиригэр олус барсар “Үтүө санаа дойдута” диэн ааттаах.

***

Уон сыл устата араас үтүөнү-мөкүнү, үрүҥү-хараны барытын көрсөн аастыбыт. Ону барытын санаан кэлэ-кэлэ ыаһахтыы туруллубат.

Биһиги санаабытыгар, ханнык баҕарар норуот төрөөбүт тылын-култууратын, үтүө үгэстэрин, урукку устуоруйатын өйдүүр, билэр, учуоттуур эрэ буоллаҕына аныгы олоҕу кытта тэҥҥэ хаамсар кыахтаах. Биһиги биир сүрүн сорукпут  – саха тыла уонна култуурата билиҥҥи ырыынак усулуобуйатыгар бэйэтин ииттинэр, биисинэс хонуутугар тэҥҥэ күрэхтэһэр кыахтанарыгар күүс-көмө буолуу. Холобур, анаан-минээн биһиги Ыһыахпытын көрө атын дойдулартан туристар кэлэллэрэ, оһуокайбытын киһи эрэ барыта сөҕө-махтайа көрөрө, реклама тыла сахалыы барара, тэрилтэлэр сахалыы тылынан ааттаналлара, дьон-сэргэ (атын омугар тиийэ) оҕотун саха оскуолатыгар-кылааһыгар киллэрэ сатыыра, саха оһуора-мандара, уус-уран оҥоһуга ырыынакка тэнийэн муодаҕа кубулуйуута, сахалыы кинигэ-хаһыат элбэх тираһынан тахсыыта, саха эстрадатын кыайыылара, Арассыыйа барыта сөҕөрүн курдук элбэх сахалыы киинэ уһуллуута --  ити үрдүк соругу саха дьоно бары бииргэ көмөлөөн ситиһиилээхтик оҥоро сылдьарбыт туоһута.

***

Ити курдук “Ситим” өрөспүүбүлүкэбит, норуоппут сайдарыгар, бөҕөргүүрүгэр туһуламмыт үлэтин 10 сыллаах кэрчик кэмин сорох тоҕойдоругар тохтоон аастыбыт. Доҕотторбут, дьоммут-сэргэбит үтүө санаатынан, ыллыктаах тылынан, алгыһынан кынаттанан, төрөөбүт дойдубут сайдыытыгар туһуламмыт үлэбит салҕанан барар.

 



Доҕоттор кэпсээ

Гороскоп

01_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy

2014 сыл гороскоба

Доруобуйа, күүс-кыах да тупсар сыла иһэр. Үтүө дьайыылаах уларыйыы тахсар сибикитэ улахан. Урукку сылларга холоотоххо, ыарахан таһаҕаһы бырахпыт курдук…

RSS-Лента