Олунньу 13 күнүгэр, сахалартан бастакы лингвист-учуонай, саха суругун-бичигин төрүттээбит С.А.Новгородов аатын сүгэр Чурапчы орто оскуолатыгар бу бэлиэ күҥҥэ анаммыт үөрүүлээх тэрээһин ыытылынна. С.А.Новгородов пааматынньыгар оскуола бастыҥ үөрэнээччилэрэ уонна учууталлар сибэккии дьөрбөтүн уурдулар. Үөрүүлээх линейкаҕа сүдү киһибитигэр анаан уолаттар үс омук тылынан: сахалыы, нууччалыы, английскайдыы уус-ураннык аахтылар, дириэктэр Н.В. Уарова эҕэрдэ тылын кэнниттэн 6 “б” кылаас үөрэнээччилэрэ оһуохай арааһын дьиэрэттилэр. Ол кэнниттэн 2-11-с кылаас үөрэнээччилэрэ түһүлгэҕэ төгүрүччү төбүрүөннээн Ийэ тыл күнүгэр аналлаах үөрүүлээх оһуохайы оройуттан туттулар.