Арассыыйаҕа халлаан туругун билгэлиир киин синоптиктара быйыл дойду үрдүнэн хайдах сайын буолуоҕун кэпсээтилэр. Кинилэр дойду улахан аҥаарыгар аномальнай халлааны сабаҕалыыллар. Бэс ыйыттан саҕалаан соһуталаан барыа үһү.
Ол курдук, сайыҥҥы бастакы ый дойду улахан аҥаарыгар нуорманы таһынан итии буолуох курдук. Бу Саха сирин эмиэ тумнубат чинчилээх. Өссө арҕааҥҥы улуустарга кураан сатыылыа диэн суруйаллар. Оттон хотугу-илиҥҥи улуустарга элбэх сөҥүү түһэрэ күүтүллэр.
Метеорологтар суруйалларынан, от ыйыгар Сибиир уонна Урал диэки куйаас күүһүрэр, ол эрээри Барнаул, Иркутскай аттынааҕы куораттарга төттөрүтүн салгын температурата нуорматтан намыһах буолар. Оттон Саха сирин арҕааҥҥы уонна хотугу улуустарыгар куйаас сатыылыах курдук. Соҕуруулуу-арҕааҥҥы улуустарга сөҥүү түһүүтэ былырыыҥҥытааҕар аҕыйах буолсу. Ол оннугар уһук хотугу улуустарга элбиир чинчилээх.
Атырдьах ыйыгар хаһааҥҥытааҕар да элбэх сөҥүү Саха сирин хотугулуу-илиҥҥи өттүгэр, Магадан, Амыр уобаластарыгар, Хабаровскай кыраайга уонна Урал, Приволжье соҕурууҥҥу өттүгэр түһэрэ сабаҕаланар. Бу ыйга нуорманы таһынан сылаас халлаан Саха сирин хотугулуу-арҕааҥҥы улуустарыгар туруо үһү.
Сонун төрдө: https://gogov.ru
