РФ Бэрэсидьиэнэ Владимир Путин байыаннай сулууспалаахтарга сыл аҥаарыгар икки нэдиэлэлээх уоппуска биэрэр туһунан дьаһала олоххо киирэн эрэр. Ол туһунан Саха сирин киһи быраабыгар боломуочунайа Сардана Гурьева иһитиннэрдэ.
«Байыаннай сулууспалаахтарга дьиэлэригэр кэлэн чугас дьоннорун көрсөн, сынньанан күүс-уох эбинэн баралларыгар кыах бэрилиннэ. Ону сэргэ, кинилэр Дьокуускайга Сибээс уонна энэргиэтикэ колледжыгар квадрокоптер оператора буоларга үөрэнэн барыахтарын сөп», – диэн кини быһаарда.
Биһиги анал байыаннай дьайыыларга ыҥырыллан барбыт оҕолордоох дьонтон ыйыталастыбыт даҕаны, саҥа дьаһал чэрчитинэн ким эмэ уоппускаҕа кэлэн эрэрэ эбэтэр кэлбитэ биллибэт. Холобура, Запорожьеҕа сорох батальон байыастарын ыыппыттар, оттон инники кирбиигэ сылдьар батальону ыыппатахтар.
Онон, ким эмэ икки нэдиэлэлээх уоппускаҕа кэлбитин билэр буоллаххытына, бука диэн, биһиэхэ биллиҥ.
Бэйэ кэр.