Хой
Бу нэдиэлэҕэ доҕотторгун, билэр дьоҥҥун кытта алтыһар баҕа санаа киириэҕэ. Ханна эрэ көрдөөх айаҥҥа, сынньанар сиргэ ыҥырыахтарын сөп. Онно баран наһаа элбэх интэриэһинэй сонуну билиэҥ. Үөрэнэргэ, билиини хаҥатарга үчүгэй нэдиэлэ. Тугу эрэ билиэххин-үөрэтиэххин баҕарар буоллаххына – түһүнэн кэбис. Өрөбүллэргэ билбэт дьоҥҥун кытта чугасаһыма, киэһээҥҥи хараҥа уулуссаларынан соҕотоҕун сылдьыма. Сэрэхтээх.
Оҕус
Оҕустар күннээҕи олоххо тобуллаҕастарын бу нэдиэлэҕэ бэркэ туһаныахтара. Кинилэр ити дьоҕурдарын үп-харчы боппуруоһугар туһаайдахтарына, карьералара да ситиһиилэниэ, харчылара да хаҥыа. Кинилэр, байбыт дьон быһыытынан, уруккуттан ыралана санаабыт малларын атыылаһар кыахтаныахтара. Уопсайынан, бу нэдиэлэҕэ кинилэр олохторун-дьаһахтарын лаппа тупсарар чинчилээхтэр. Арай дьоҥҥо харчыны иэс биэримиэхтэрин наада.
Игирэлэр
Туох эрэ саҥаны-сонуну, дьикти иэйиини билиэххин-көрүөххүн баҕарар буоллаххына, ханна эрэ ыраах айаҥҥа күүлэйдии, сынньана бар. Өскөтүн айанныы барарыҥ кыаллыбат буоллаҕына, дьикти-сонун иэйиини дьиэҕэр олорон билэ сатаа. Онно анаан социальнай ситимнэр, интэриниэт диэн маллар бааллар. Өрөбүл күннэргэ карьераҕар сыһыаннаах улахан быһаарыылары ылыныма.
Араак
Урут хаһан да билбэккэ сылдьыбыт кистэлэҥҥин, ураты дьиктини арыйар кыах үөскүө. Ону-маны саҥаны чинчийэн үөрэтэргэ, билэргэ үчүгэй кэм. Таптаһыаххын баҕараҕын. Туох эрэ бобуулаахха, көҥүллэммэккэ тардыһаҕын. Ыал араактар онон аһара үлүһүйэллэрэ сыыһа: тутуллан хаалыахтара. Оттон сулумах араактар имэҥ-иэйии эйгэтигэр төһө баҕарар толору умсар кыахтаахтар. Өрөбүллэргэ ыраах айаҥҥа барыма.
Хахай
Ыал хахайдар хайдахтаах курдук табыллан ыал буолан олороллорун, кэргэннэрэ үчүгэйин саҥалыы көрөн өйдүөхтэрэ. “Бииргэ олорор” пааралар сокуоннайдык ыал буолар туһунан толкуйдуохтара. Бу нэдиэлэҕэ эһигини ханнык эрэ үөрүүлээх дьоро киэһэҕэ: сыбаайбаҕа, үбүлүөйгэ – ыҥырыахтарын сөп. Өрөбүллэргэ түүҥҥү кулууптарга барымаҥ, онно бэрдэ суох быһылаан кэтэһэр.
Кыыс
Ис туругуҥ олус күүрэ, тыылла-хабылла сылдьар кэмин туһанан, доруобуйаҥ уопсай туругун тупсара сатаа. Диетата тутус, битэмииннэ сиэ, дьарыктан, бус-хат. Ол барыта эн эккин-хааҥҥын бөҕөргөтүө. Бэйэҥ куһаҕан дьаллыккыттан (табахтан, арыгыттан уо.д.а.) босхолонуоххун баҕарар буоллаххына, нэдиэлэ ортотугар үөрэ-көтө быраҕан кэбис. Табыллыа. Өрөбүллэргэ дьиэ кэргэн иһигэр сыһыан мөлтүөн сөп, тулуурдаах буол.
Ыйааһын
Үчүгэй өйдөбүллэри кытта сыһыаннаах нэдиэлэ. Холобур, кэргэниҥ уруккуттан ыралана санаабыт күндү малгын бэлэхтиэн сөп. Саҥа билсэ, иэйэ-куойа сылдьар дьон сыһыаннара өссө тупсан, саҥа таһымҥа тахсыа. Ыал ыйааһыннар оҕолорун ситиһиилэриттэн үөрүөхтэрэ.
Өрөбүллэргэ элбэх киһилээх сиргэ сылдьыма, доруобуйаҥ туруга мөлтөх, ыарыыны хабар кутталлааххын.
Скорпион
Дьиэҕиттэн тахсыаххын, ханна да барыаххын-кэлиэххин баҕарбаккын. Онон туох баар күүскүн-кыаххын барытын дьиэҕин-уоккун өрө тардыыга, тупсарыыга, малы-салы атыылаһыыга анаа. Бу үлэ барыта олус чэпчэкитик, үөрэ-көтө оҥоһуллуо. Аймахтары, дьиэлээхтэри кытта сыһыан тупсуо. Ону туһанан, туох эрэ уопсай үлэни толоруоххутун сөп. Өрөбүллэргэ сынньалаҥ кулууптарыгар барбатыҥ ордук буолуо.
Охчут
Дьону кытта истиҥник кэпсэтиэххин баҕараҕын. Бу үтүө кэми туһанан, уруккуттан иирсээннээх дьоҥҥун кытта эйэлэс. Ол барыта кыаллан иһиэ. Уопсайынан, бу кэмҥэ дьон эйиэхэ олус тардыһар, эйигин сөбүлүүр. Ханна эрэ айанныы сылдьан, бэрт дьикти түгэҥҥэ түбэһиэҥ, сонун кэрэ (күүстээх) аҥаары көрсүөҥ. Ол сыһыан устунан дириҥээн барар чинчилээх. Өрөбүллэргэ кулуупка, тыйаатырга уо.д.а. баран култуурунайдык сынньан.
Чубуку
Чубукулар бу нэдиэлэҕэ үп-харчы боппуруоһун быһаарыахтара. Бэрт ситиһиилээхтик. Бу – сытар, сынньанар кэм буолбатах, хамсаныахха наада. Ол хамсаныы түмүгэр элбэх харчыланан, уруккуттан баҕарар сыаналаах малгын атыылаһыаҥ. Иллэҥсийдэххинэ, дьиэҕин өрөмүөннээ. Туох барыта олус кэбэҕэстик сатанан иһэр. Өрөбүллэргэ ханна да барыма, дьиэҕэр ыалдьыттары ыҥырыма.
Күрүлгэн
Айар-тутар күүрээниҥ аһара тобуллан, сөбүлүүр дьарыккар, хоббигар “умсан” хаалыаҥ. Ити эйгэҕэ эйигин кэккэ ситиһиилэр күүтэллэр. Дьахтар күрүлгэннэр тас дьүһүннэрин, имиджтэрин уларытан “саҥа уобараһы” ылынар кыахтаахтар. Ол түмүгэр күүстээх аҥаардарга улахан ситиһиилэниэхтэрэ. Өрөбүллэргэ сыаналаах малы-салы, киэргэли, ювелир оҥоһуктарын атыыласпатах ордук.
Балыктар
Холкутук олоруоххун, сынньаныаххын баҕараҕын. Дьон аҕыйах сиригэр: санаторийга, айылҕаҕа, ыраах тыаҕа – бардаххына улаханнык абыраныаҥ. Ол кыаллыбат буоллаҕына, саатар, дьиэҕэр, хоскор соҕотоҕун олорон уоскуй, намыраа, духуобунай өттүнэн үүн-сайын. Аймахтары-дьиэлээхтэри кытта сыһыан – үчүгэй. Бары кыттыһан туох эрэ уопсай үлэни толоруоххутун сөп. Өрөбүллэргэ элбэҕи хамсаныма, олорон-сытан сынньан.