Сэтинньи 19 күнүгэр Дьокуускай куорат олохтоохторун уонна ыалдьыттарын «Песни на стихи авторов малочисленных народов Севера: из репертуара заслуженного артиста РФ, народного артиста РС(Я) Александра Самсонова» диэн кинигэ сүрэхтэниитигэр ыҥырабыт.
Александр Парфеньевич Самсонов – 30 сыл устата Д.К.Сивцев-Суорун Омоллоон аатынан Опера уонна балет театрыгар солистаабыта. 1975 сылтан саҕалаан кини Аҕа дойду сэриитигэр аналлаах сольнай программатынан республика улуустарын бүттүүн кэрийбитэ. 1988 сылтан дьүкээгир суруйааччыта уонна худуоһунньуга Николай Курилов көрдөһүүтүнэн аҕыйах ахсааннаах хотугу норуоттар ырыаларын репертуарыгар киллэрэн «Крик белого журавля» диэн сольнай концерын оҥорбута. Бу ырыаларынан кини дойдубут тэбэр сүрэҕэр Москуба куоракка гостелерадио оркестрын доҕуһуолунан устуудьуйаҕа уһултарбыта. 1993 сыллаахха Александр Парфеньевич «Песни народов севера Якутии» диэн гигант-пластинката күн сирин көрбүтэ. 1994 сыллаахха үтүө санаалаах дьон көҕүлээһининэн уонна көмөтүнэн «Песни на стихи авторов малочисленных народов Севера» диэн ырыа хомуурунньуга бэчээттэммитэ.
2022 сыллаахха Саха сирин норуоттарын музыкатын уонна фольклорун түмэлэ Александр Парфеньевич көрдөһүүтүн ылынан, музей үлэһиттэрэ уонна музыковед Мариам Шамаева нуотаҕа түһэрэн, «Песни на стихи авторов малочисленных народов Севера: из репертуара заслуженного артиста РФ, народного артиста РС(Я) Александра Самсонова» диэн хомуурунньугу саҥардан таhаарда. Бу кинигэҕэ Саха народнай артыыhын толоруутугар ырыалар уонна видеолар QR-кодтанан киирдилэр.
Тэрээhин күнүгэр РФ үтүөлээх артыыһын, СӨ народнай артыыһын Александр Самсоновы уонна кинигэ ааптардарын кытта истиҥ-иһирэх көрсүһүү күүтэр. Маны тэҥэ көрсүһүүнү киэргэтиэхтэрэ: РФ уонна СӨ үтүөлээх артыыһа Анна Дьячковскайа, СӨ народнай артыыһа Владимир Заболоцкай, «Дьүрүскэн Оhуор» ырыа ансаамбыла уонна С.Ф. Гоголев аатынан педагогическай колледж муусука салаатын устудьуоннара.
Буолар күнэ: сэтинньи 19 күнэ,13.30 ч.
Буолар сирэ: С.Ф. Гоголев аатынан педагогическай колледж актовай саалата (Орджоникидзе уул.3 №-дээх дьиэтэ)
Билсэр төл: 8(4112)35-38-84
Киирии: босхо