Дьокуускай куорат 4 нүөмэрдээх маҕаһыын үлэһиттэрэ Саха сирин президиэнигэр Егор Борисовка аһаҕас сурук суруйдулар. Үлэһиттэр сурукка сэбиэскэй саҕаттан куорат олохтоохторугар киэҥник биллэр маҕаһыын үлэтэ кэнники бириэмэҕэ харгыстаммытын, саҥа салайааччылара В. Местников коллективка уустук уонна ыарахан  балаһыанньаны олохтообутун, бэйэтин байытар сыалтан маҕаһыыҥҥа кэргэнэ үлэлиир чааһынай  тэрилтэтин босхо «дьукаахтаабытын», саҥа салайааччы уруккуттан үлэлиир дьоҥҥо тыйыс сыһыаннааҕын, суот-учуот дьыалата улаханнык доҕолоҥнообутун туһунан  аһаҕастык суруйбуттар.

Бу туһунан булт Департаменын салайааччыта Николай Сметанин эттэ. Саха сирин президенин булчут күнүн бэлиэтиир туһунан Ыйааҕын бырайыага бэҕэһээ, олунньу 15 күнүгэр көрүлүннэ. Инньэ гынан хас сыл аайы муус устар ый бастакы субуотатыгар булчут күнүн бэлиэтиэхпит. Бырааһынньык кэмигэр, былаан быһыытынан, булчут ыттар анал күрэхтэрэ, байанай быыстапката тэриллиэ.

Олунньу 16 күнүгэр Ил Түмэн иһинэн үлэлиир ыччат парламена быыбар туһунан «төгүрүк остуол» ыытара былааннанар. Мустубут активистар, общественнай түмсүү чилиэннэрэ, устудьуоннар быыбар туһунан бэйэлэрин санааларын үллэстиэхтэрэ, этиилэри киллэриэхтэрэ. Ыччат парламенын чилиэнэ Вячеслав Стручков: «Эдэр дьон «биһиги куоласпыт син биир тугу да быһаарбат», «барыта эрдэттэн биллэр» диэбэккэ, дойдутун, республикатын инники дьылҕатын өйдөөн-төйдөөн туран сөптөөх быыбары оҥороругар баҕарабын», - диэн эттэ. СИА

Олунньу 13 күнүгэр Саха сирин бука бары оскуолаларыгар, үөрэҕин тэрилтэлэригэр күнүс 12 чааска “Төрөөбүт дойду” диэн Алампа хоһооно дорҕоонноохтук иһиллиэн баҕарабыт уонна “оскуолалалар салалталара ону хааччыйыҥ, дьон-сэргэ онно кыттыһыҥ!” диэн ыҥырабыт.

Сахалыы саҥа сатараатын!

Хоту улуустарга уонна Кэбээйигэ бөрө элбээн, улахан ночоот тахсыбыта көстөр. Ол курдук, сыччах «Сэбээн» ГУП 2100 табатын ардай аһыылаахха былдьатан 13 мөл. солк. хоромньуламмыт. Онон дириэктэр Николай Ефимов улахан бөртөлүөт оннугар дьоҕус бөртөлүөтү атыылаһан дуу, уларсан дуу туран, онон бултаатахха, ночоото арыый кыччыа этэ диэн санаалаах. Туундараҕа уонна кинилэр сирдэригэр бултааһын араастаһарын ыйар. Холобур, Ми-8 биир чаас көтөрүгэр  150 тыһ. солк. ороскуоттанар эбит буоллаҕына,  «Робинсон» киэнэ – 40-50 тыһ. халбаҥныыр диир.

Дьарыктаах буолуу киинэ хас тэрилтэ±э тіґі киґи µлэтиттэн ууратылларын туґунан мониторинг ыытар. Дьон араас биричиинэнэн µлэтэ суох хаалар: сорохтор µлэлии сылдьыбыт тэрилтэлэрэ сабыллар, сорох сиргэ штат аччыыр о.д.а. Ааспыт сылга уопсайа 389 тэрилтэттэн 3,7 тыґ. киґи уурайбыт. Бу дьонтон 965 киґи саІа µлэ миэстэтин булбут, 260 киґи пенсия±а тахсыбыт.