Бу ый 10 күнүгэр сарсыарда 10 чааска ХИФУ Кылаабынай куорпуһугар «Төрөөбүт тылынан үөрэнии: сокуон хараҕынан уонна үөрэҕи тэрийии кыһалҕата (үөрэх кинигэтин, босуобуйатын оҥоруу)» диэн өрөспүүбүлүкэтээҕи билим-быраактыка кэмпириэнсийэтэ ыытыллар.

Кэмпириэнсийэҕэ үөрэҕирии систиэмэтин бары үлэһиттэрэ, ол иһигэр салайааччылар, оҕо саадын иитээччилэрэ, учууталлар, үнүбэрсиэт преподавателлэрэ кыттыахтара. «Билиҥҥи кэмҥэ оскуолаҕа бары биридимиэти саха тылынан үөрэтиэххэ сөп дуу, суох дуу уонна онуоха үөрэх кинигэтэ хайдах буолуой?» диэн кэпсэтиэхтэрэ.

Бу тэрээһини Хотугулуу-Илиҥҥи олохтоох омуктар тылларын, култуураларын үнүстүүтэ (дириэктэр Г.Г. Филиппов) тэрийэн ыытар. «Үнүбэрсиэккэ сахалыы тыыннаах бакалаабыры, маҕыыстыры хайдах бэлэмнээн таһаарыахха сөбүй?» диэн боппуруоска санаа атастаһыыта буолуо. Бука, “саха тылынан билими баһылаабаккын, оҕом котоку нууччалыы, омуктуу эрэ биллэҕинэ, сайдыылаах үлэһит буолуо” диир төрөппүттэр син биир баар буолуохтара. Ити санаа сыыһа эбитин төрөппүттэр манна кэлэн итэҕэйиэхтэрэ.

Саха оҕото төрөөбүт тылын көмөтүнэн сайдарын туһугар ис сүрэхтэриттэн кыһаллар дьон кэлэн кыттыахтарын сөп. Дьокутааттар, мээргэ хандьыдааттар кэлэн санааларын этиэхтэрэ диэн эрэл санаа баар.

Геннадий ГУРЬЕВ,

ХИФУ дассыана.