Олунньу 13 күнэ – Төрөөбүт тыл уонна сурук-бичик күнэ!

28.12.2015 17:08 | Автор: Admin | Көрдүлэр: 8117   
Печать

platonТөрөөбүт тыл уонна сурук-бичик күнүн көрсө, олунньу 13 күнүттэн 21 күнүгэр диэри Саха сирин төрүт олохтоох омуктарын тылларыгар аналлаах араас тэрээһиннэр буоллаллар.

Олунньу 13 күнүгэр Былатыан Ойуунускай аатынан Саха академическай тыйаатырыгар “Ийэ тыл туһунан аман өс” диэн Төрөөбүт тыл уонна сурук-бичик күнүн бэлиэтиир үөрүүлээх тэрээһин күнүс 15 чаастан саҕаланар. Үөрүүлээх түмсүүгэ быыстапкалар, презентациялар буолуохтара, ийэ тылы уонна суругу-бичиги чөл хаалларыыга, салгыы сайыннарыыга үтүөтүн-өҥөтүн иһин анал бириэмийэлэри туттарыы, уус-уран дьүһүйүү, оһуокай буолуо.

Олунньу 21 күнүгэр күнүс 15 чаастан Өксөкүлээх Өлөксөй аатынан Норуоттар доҕордоһууларын дьиэтигэр аан дойдуга биллэриллибит Төрүт олохтоох омуктар төрөөбүт тылларын күнүн бэлиэтиир дьоро киэһэҕэ ыҥырабыт.