Муостабыт дьылҕата – Кытай инвестордарын илиитигэр?

08.10.2015 15:32 | Автор: Admin | Көрдүлэр: 2991   
Печать

most1qӨлүөнэни туоруур муоста дьэндэйэрин кэтэһээччи элбэх. Соторутааҕыта Санкт-Петербурга Росавтодор салайааччыта Роман Старовойт муоста тутуутун докумуоннара Кытай биэс инвесторыгар билиһиннэриигэ сылдьалларын эттэ. Ол дьон сыныйан үөрэтэн, көрөн-истэн баран, төһө хачча үбүнэн кыттыһыахтарын, усулуобуйаларын, туруорсууларын этиэхтээхтэр. Билиҥҥитэ тугу да биллэрэ иликтэр. Санаттахха, муостаны тутуу бырайыагын КНР Сиань куоратыгар, Арассыыйа уонна кытай бырабыыталыстыбалара тырааныспар салаатыгар бииргэ үлэлэһэр хамыыһыйатын 19-с мунньаҕын чэрчитинэн эспиэрдэргэ билиһиннэрбиттэрэ. Онно Кытай бааннара, тутар хампаанньалара бэркэ диэн сэргии истибиттэрэ, үлэлэһэр баҕалаахтарын эппиттэрэ диэн буолар.