“Сибиир күүһэ” бигэргэннэ

03.09.2015 20:03 | Автор: Admin | Көрдүлэр: 2906   
Печать

silasbБу күннэргэ премьер Д.Медведев “илин диэки” тардыллар гаас ситимин (ол иһигэр “Сибиир күүһүн”) кыйа оҥоһуллуохтаах эбийиэктэр уонна көлө инфраструктуратын тутуутугар туһуламмыт былааҥҥа илии баттаабытын туһунан иһитиннэрдэ. Судургутук эттэххэ, үлэ-хамнас былаанын бигэргэттэ. Медведев эппитинэн, ити былаан чэрчитинэн Саха сирин уонна Иркутскай уобалаһын гаастаах сирдэригэр анал эбийиэктэр оҥоһуллуохтаахтар, күөх төлөнү таҥастыыр уонна тиэйэр-таһар тиһик үлэҕэ киириэхтээх.

Санаттахха, былырыын ыам ыйыгар “Газпром” уонна Кытай CNPC хампаанньата отут сыл устата “Сибиир күүһэ” турба устун Кытайга Саха сирин гааһын таһаарар туһунан сөбүлэһии түһэрсибиттэрэ. Туһааннаах үлэ-хамнас номнуо саҕаламмыта. Оттон гааһы 2018 сылтан таһааран барыахтара.