Доруобуйа харыстабылыгар – 189 млрд солк.

24.08.2015 14:19 | Автор: Admin | Көрдүлэр: 1322   
Печать

ohrana“2012-2019 сс. СӨ доруобуйа харыстабылын сайдыыта” судаарыстыба тосхолун (программа) бастакы аһаҕас истиитэ Дьокуускайга буолла. Бу тосхол үлэлииригэр аналлаах үп-харчы суумата – 189 млрд солк.

Тосхолу үбүлээһин, саҥаны киллэрии уонна сүрүн хайысхалар тустарынан д/х миниистирин солб. О.Припузов сиһилии кэпсээтэ. Барыта 14 хос тосхолго (подпрограмма) доруобуйа харыстабылын бары салаалара хайдах-туох үлэлиэхтээхтэрэ уонна үбүлэниэхтээхтэрэ ыйыллар. Онно ыарыыны сэрэтии, чөл олоҕу тарҕатыы, судаарыстыба уонна чааһынай эйгэ алтыһыыта, санавиация, ийэ уонна оҕо доруобуйатын харыстааһын, реабилитация уонна санаторий-куруорт үлэтэ, эминэн хааччыйыы, Перинатальнай киини, Онкология диспансерын тутуу, Гемодиализ кииннэрин, Наркология уонна Кардиология диспансердарын арыйыы, о.д.а. киирэр.

Эппиппит курдук, 2019 с диэри бу тосхолго 189 млрд солк. көрүллүөхтээх. Мантан 4 млрд солк. – федеральнай бүддьүөттэн, 105 млрд солк. – өрөспүүбүлүкэ бүддьүөтүттэн, 79 млрд солк. – бүддьүөтү таһыттан. Холобур, Перинатальнай киини тутууга 3,3 млрд солк. көрүллүбүт. Билигин бастакы этээһэ бүтэн турар. Онкология киинигэр 2,2 млрд солк. көстүбүт. Оттон 150-нуу миэстэлээх Наркология уонна Кардиология кииннэрин тутууну үөрэтэ сылдьаллар.