Бэс ыйын 25 күнүгэр Туймаада ыһыаҕын кэмигэр «Суруллубут – суоруллубат: Айсен Николаев олоҕу көрүүтэ уонна кини үлэтин туһунан санаалар» саҥа кинигэ сүрэхтэниитэ буолбута. Кинигэни «Ситим» медиа-бөлөх бэлэмнээн таһаарбыта уонна «Кыым» хаһыат сурутааччыларыгар бэлэх быһыытынан ыыппыта.
Хомуурунньук ааптара – РФ үтүөлээх суруналыыһа, «Ситим» медиа-бөлөх генеральнай дириэктэрэ Владимир Степанов. Хомуурунньук икки түһүмэхтэн турар. Бастакыга Айсен Николаев Дьокуускай куорат мээрынан үлэлиэҕиттэн саҕалаан Саха сирин Ил Дарханынан үлэлиир кэмигэр биэрбит интервьюлара, иккискэ бастыҥ уопсастыбанньыктар Ил Дархан бэйэтин уонна үлэтин туһунан бэлиэтээһиннэрэ киирдилэр.
От ыйын устата кинигэлэри Саха сирин бары улуустарыгар почта салааларынан ыыппыттара. Оттон атырдьах ыйыттан сурутааччылар кинигэни «Кыым» хаһыаты кытта бииргэ туттулар. Кинигэни бастакынан «Кыым» хаһыаты Дьокуускайга «Горпечать» киоскаларыттан кэлэн ылар сурутааччылар туппуттара.
Бэйэ кэр.