Саха сирин Бастакы Бэрэсидьиэнэ Михаил Ефимович Николаев олохтон туораатын кытары, кини аатын хайдах үйэтитэр туһунан бииртэн биир кэпсэтиилэр күөдьүйэн тахсаллар. Уопсастыбанньыктар араас соһуччу этиилээхтэр. Ол эрээри болҕомтону тардар этии өссө иһиллэ илигэ. Арай бүгүн, биһиги көрүүбүтүгэр, биир дьоһуннаах этии Дьокуускай куорат дууматыгар дьокутаакка хандьыдаатыттан таҕыста. Кини Ленин проспегар Михаил Николаев аатын иҥэрэргэ ыҥырар:
«Маннык хардыы Михаил Ефимовичка дьиҥнээх сүгүрүйүү бэлиэтэ буолуох этэ. Кини Саха сиригэр оҥорбут үтүөтэ муҥура суох элбэх. Михаил Ефимович, бастатан туран, норуот интэриэһин көмүскүүрэ, дьоҕус урбааҥҥа бастакы өйөбүл эмиэ киниттэн тахсыбыта. Онон, Дьокуускай киин уулуссата бу улуу киһи аатын сүгэрэ сөптөөх буолуо», - диэн хандьыдаат тоҕо маннык санааҕа кэлбитин быһаарда.
Устуоруйаҕа эргилиннэххэ, киин куорат сүрүн уулуссата маҥнай Большая диэн ааттаммыта. Онтон өрөбөлүүссүйэ кэннэ Улуу олунньутааҕы өрөбөлүүссүйэ аатын сүкпүтэ. 1924 с. Улуу Өктөөп өрөбөлүүссүйэтин уулуссата буолбута. 1934 с. Октябрьская диэн буолбута. Дьэ, онтон 1962 с. биирдэ Ленин проспега диэн ааттаммыта.
Манна даҕатан эттэххэ, аҕыйах сылынан проспект сүрүн болуоссата хаттаан тутуллан Өрөспүүбүлүкэ болуоссата диэн ааттаныахтаах. Оччотугар Бастакы Бэрэсидьиэн Михаил Николаев проспега бу болуоссат аттынан ааһара олус табыгастаах буолсу диэн сыаналаатыбыт.
Уонна оттон саха дьолугар кэлэн ааспыт улуу киһибит аатын онтон-мантан иҥнибэккэ киин куорат килбэйэр киинигэр үйэтиттэхпитинэ туох баарый? Маны эһиги туох дии саныыгыт?
Бэйэ кэр.
Сэҥээриилэр
Считаю большой ошибкой предложение по переименованию площадь Ленина на пл. М.Е Николаева...
Предложение нелепое если не сказать "провокационное".
Несоизмеримо сравнение значений личности В.И. Ленина с региональным лидером...
[11.08, 10:34] Анатолий: Ленин үөрэҕэ аан дойду олоҕун уларыттаҕа... Кини социальнай системэлээх үөрэҕэ билигин Да син үлэлии турар. Сахалар олох Да, алааһынан балаҕаннарга бытанан олорбуттара. Билигин төһө бэйэлээх сайдыылаах олоххо кэллибит.
Отой сыыhа быhыы.
Кимнээх эрэ норуоту буккуйа сатыыллар дуу?