Арассыыйа Силиэстийэлиир кэмитиэтин Саха сиринээҕи управлениетын Бүлүүтээҕи салаата РФ УК 264 ыст. 4-с чааһын “а”, “в” пууннарынан (суоппардыыр бырааба суох, итирик туруктаах суол быраабылатын кэһии түмүгэр алҕаска киһи өлүүтүгэр тиэрдии) холуобунай дьыаланы көбүттэ.
Силиэстийэҕэ биллэринэн, 2023 с. атырдьах ыйын 2 күнүгэр итирик туруктаах дьахтар, массыына ыытар бырааба суох сылдьан, нүөмэрэ суох “Тойота Ипсум” массыынанан “Бүлүү” федеральнай суолунан Чаллыр биэрэгиттэн Хороҕо диэри айаннаабыт.
Тимир көлө кэлин өттүгэр дьахтар 5 саастаах уол оҕото олорсон испит.
Суоппар суол быраабылатын ирдэбиллэрин кэһэн, массыынатын кыайан туппакка, суол хаҥас өттүгэр күбүөккэ түспүт.
Саахал түмүгэр биэс саастаах олорсон испит оҕо тыына тута быстыбыт.
Быһылаан хайдах тахсыбытын быһаарарга холуобунай дьыаланы силиэстийэлиир үлэ ыытыллар.
Арассыыйа Силиэстийэлиир кэмитиэтин Саха сиринээҕи управлениетын салаата.