Перинатальнай киин үлэтин Ольга Балабкина билистэ.
Саха сиригэр перинатальнай кииҥҥэ мэдиссиинэ аныгы технологияларын туһаналлар. Кииҥҥэ төрөөрү сылдьар, оҕоломмут дьахталлар уонна кыһыл оҕолор эмтэнэллэр, консультация ылаллар. СӨ Бырабыыталыстыбатын бэрэссэдээтэлин солбуйааччы Ольга Балабкина бу киин биэс сыл иһигэр кыһыл оҕо өлүүтэ намтааһыныгар элбэх үлэни ыыппытын бэлиэтиир.
“Перинатальнай киин үлэҕэ киирбитэ баара-суоҕа биэс сыл буолла, ол эрээри номнуо үрдүк көрдөрүүнү ситистэ. Оҕо өлүүтүн аччатарга сөптөөх маршрутизация оҥоһуллубута көмөлөстө. Манна өрөспүүбүлүкэ араас муннуктарыттан кэлэллэр. Бэлиэтээн эттэххэ, дьахтар төрүүрүгэр кэргэниттэн ураты ыал эбэтэ эбэтэр дьүөгэтэ кытта киириэхтэрин сөбүттэн сөхтүм. Ол иһин даҕаны өрөспүүбүлүкэбитигэр мөлүйүөннээх олохтоох төрөөтөҕө”, – диир Ольга Балабкина.
Перинатальнай киин биир ситиһиитинэн Уһук Илиҥҥэ аан бастакынан аһыллыбыт ийэ үүтүн баана буолар. Бу салаа ийэ үүтүн мунньан, сөптөөхтүк харайан, кэмин иннинэ төрөөбүт оҕолору аһатарга үлэлиэҕэ.
Кэмин иннинэ оҕоломмут ийэлэр быраас көрүүтүгэр-истиитигэр наадыйаллар. Кинилэр үүттэрин манна туттарыахтара, онон наада тирээтэҕинэ кырачааннары быраастар даҕаны аһатар кыахтаныахтара. Атырдьах ыйыгар маннык иккис баан аһыллара былааннанар.
“Бүтэһик биэс сылга өрспүүбүлүкэ мэдиссиинэтэ биллэ тубуста. Холобур, офтальмология балыыһатыгар саҥа оборудование, оттон Суһал көмө ыстаансыйатыгар саҥа массыыналар кэллилэр”, – диэн бэлиэтиир Ольга Балабкина.
Бырабыыталыстыба бэрэссэдээтэлин солбуйааччы офтальмология балыыһатын үлэтин саҥа форматын хайҕаата. Саҥа формат киин улуустартан кэлэр ыарыһахтар эпэрээссийэлэнэ киирэллэригэр анаалыстарын, чинчийиилэрин улуус киин балыыһатыгар ааһар буоланнар, бириэмэлэрин уонна харчыларын экэниэмийэлииллэригэр табыгастаах.
Бу күннэргэ балыыһаҕа Мэҥэ Хаҥалас олохтоохторо көрдөрүнэ сылдьаллар. Харах балыыһатыгар бу сылга барыта 9000-ттан тахса киһи көрдөрүннэ.
ЯСИА