Биһиги “Ийэ сир сүрэҕин тэбиитэ” (“Пульс Якутии”) сиэрбиспит нөҥүө саҥа, интэриэһинэй уонна көдьүүстээх этиилэр киирэллэрэ салҕанар. Хамаандабыт маҥнайгы этиилэр олоххо киирэллэрин ситистэ.
Бэртээхэй баҕа санаалары өйүүргэ өссө биир табыгастаах ньыма баар буолла. Ол курдук, “Утум” (“Наследие”) кэмиэрчэскэйэ суох өрөспүүбүлүкэтээҕи уопсастыбаннай тэрилтэни кытта Үөһээ Бүлүү улууһугар “Муус аппа” сирин-уотун тупсарыыга үп-харчы хомуйуутун биллэрдибит. Маныаха Өргүөт нэһилиэгин дьаһалтатын кытары тустаах сөбүлэҥ баттанна, сокуонунан көрүллүбүт докумуон бигэргэннэ.
Билигин сүрүн сыалбыт – нэһилиэк олохтоохторугар эбии көмөнү уонна өйөбүлү оҥоруу. Хомуллубут үбүнэн-харчынан кирилиэс, сынньанар беседка, туристическай эбийиэк устуоруйатын сырдатар истиэндэ тутуллуохтара.
Харчынан көмөнү «Сбербанк онлайн» мобильнай сыһыарыы нөҥүө, “Өйүүбүн” (“Поддержать”) кнопканан, ыытыахха сөп. Төлөбүр быһаарыытыгар «Пожертвование Муус аппа» диэн уонна көмөлөһөөччү электроннай аадырыһа ыйыллыахтаах.
Күндү «Кыым» хаһыат ааҕааччылара!
Бастыҥ көҕүлээһини өйүөххэ, сомоҕолоһуохха. Оттон хомуллубут үп-харчы Өргүөт нэһилиэгин көҕүлүүр бөлөҕөр ыытыллыаҕа. Бу бачыымы өйүүргүтүгэр, көмөҕөтүгэр истиҥник эрэнэбит.
Төлөбүр ыытарга инструкция:
1. https://пульсякутии.рф саайка киирэҕит;
2. «Поддержать» кнопканы баттыыгыт;
3. Анал былааҥкаҕа ааккытын, араспаанньаҕытын толору ыйаҕыт;
4. Төлөбүр быһаарыытыгар «Пожертвование Муус аппа» уонна электроннай аадырыскытын суруйаҕыт;
5. Төһө суума өйөбүл харчыны ыытаргытын толороҕут;
6. «Оплатить» кнопканы баттыыгыт.
Сахабыт сирин кэрэ сирдэрин, ону тэҥэ туризмы сайыннарыахха, тулалыыр эйгэни тупсарыахха!
Болҕойуҥ! Аныгыс ыйтан “Ийэ сир сүрэҕин тэбиитэ” сиэрбискэ “Үөрэх.Үлэ.Карьера” диэн тиэмэ үлэлиэҕэ. Эһигиттэн ураты этиилэргитин уонна ыйытыктаргытын күүтэбит. Хас биирдии ыйытыкка хоруйдуохпут, көмө оҥорорго дьулуһуохпут!