Арассыыйа Бэрэсидьиэнэ В.Путин цифровой солкуобайы киллэрэр уонна онно сөптөөх электроннай платформаны оҥорор туһунан сокуоҥҥа илии баттаата. Туһааннаах докумуон правовой информация порталыгар баар.
Цифровой солкуобай кумааҕы уонна “безналичнай” харчы курдук туттуллар национальнай валюта үһүс көрүҥэ буолуоҕа. Онтон цифровой харчынан төлөһөргө Арассыыйа Баанын анал платформатын туһаныахтара.
Сокуон бу сыл атырдьах ыйын 1 күнүттэн күүһүгэр киириэҕэ.
Ол курдук, бастаан судургу эпэрээссийэлэртэн саҕалыахтара:
- Цифровой кумааһынньыктары (счеттары) аһыы/сабыы;
- Харчы угуу;
- Физическэй сирэйгэ харчы ыытыы;
- Куар-куодунан төлөһүү.