Арассыыйа арктикатааҕы өттүгэр 2 бырыһыаннаах ипотека бэриллэр буолуо. Маннык быһаарыыны Арассыыйа Бэрэсидьиэнэ Владимир Путин Мурманскайга буолбут мунньахха ылынна.
Туһааннаах этиини Бэрэсидьиэҥҥэ Уһук Илин уонна Арктика сайдыытын миниистирэ Алексей Чекунков киллэрбитэ. Этиитин Владимир Путин өйөөтө. Маннык чэпчэтиилээх ипотека Уһук Илиҥҥэ олоххо киллэриллибитэ уонна номнуо үчүгэй өрүттэрин көрдөрдө.
Уһук Илин федеральнай уокурукка чэпчэтиилээх ипотеканан 74 тыһ. ыал саҥа дьиэҕэ киирдэ. Бу тутуу салаатын сайдыытыгар күүстээх хамсааһыны таһаарда. Ол курдук кэлиҥҥи 3,5 сылга Уһук Илиҥҥэ саҥа тутуллан үлэҕэ киирэр дьиэ ахсаана икки төгүл улаатта. Онтон сыана үрдээһинэ бытаарда.
“Арктика оройуоннарыгар айаннаатахпыт аайы Арктика Уһук Илин чэпчэтиилээх ипотекатыгар киирсиэ дуо диэн ыйыталлар этэ. Ол иһин үп министиэристибэтин кытта бииргэ үлэлээн, дьоҥҥо чэпчэтиилээх ыстаапканан дьиэлэнэр кыаҕы биэрдибит. Маны тэҥэ бу быһаарыныы Арктикаҕа саҥа тутааччылар кэлиилэрин көҕүлүөҕэ уонна дьиэ сыаната үрдээбэтин ситиһиэҕэ”, – диэн Алексей Чекунков бэлиэтиир.
СӨ Ил Дарханын уонна Бырабыыталыстыбатын пресс-сулууспата.