Өрөспүүбүлүкэҕэ эрэгийиэн суолталаах суоллары оҥороллор. Нэһилиэнньэлээх пууннарынан киирэн тахсар суоллары ааҕан, уопсайа, 245 км суол өрөмүөннэнэр.
Быйыл “Куттала суох, хаачыстыбалаах суол” нац-бырайыак чэрчитинэн Мэҥэ Хаҥалас Маттатыгар (8,6 км) уонна Бүлүү Хампатыгар (4 км) суолу оҥоруохтара.
Саха сирин массыына суолларын управлениетын экплуатация салаатыгар бэлиэтээбиттэринэн, суол “Мүрү” уонна “Лүүчүн” учаастактарыгар буору тэлгэтии үлэтэ ыытыллар. Эбийиэктэри бу сыл алтынньытын аһарбакка туттарыахтаахтар.
Даҕатан эттэххэ, бу бырайыак чэрчитинэн ааспыт сылга Өлүөхүмэ 1-кы Нөөрүктээйитигэр (1,6 км), 2-с Нөөрүктээйитигэр (5 км) уонна Чурапчы Чурапчытыгар (5 км) суол өрөмүөннэммитэ.
"СӨ Управтодор" ГКУ