Бу сылга бөдөҥ инвест-бырайыагы, саҥа “Мир-глубокий” рудник тутуутун саҕалыырга былаанныыллар. Алмаас үөскүүр “Мир” сиригэр-уотугар тутуу үлэлэрин 2032 сылга түмүктүөхтэрэ уонна алмааһы хостоон саҕалыахтара. Бу туһунан Ил Дархан “Россия 24” ханаалга быһа биэрии кэмигэр иһитиннэрдэ.
Айсен Николаев бу бырайыак түргэнник олоххо киирэрэ улахан суолталааҕын бэлиэтээтэ:
"Дойду бэрэсидьиэнэ Владимир Путин уонна премьер-миниистир биһиги бырайыакпытын өйүүллэр. Соторутааҕыта үп миниистирэ Антон Силуановы кытта көрсөн бэлэмнэнии, тутуу үлэлэрин, эспэртиисэни барыы уонна сыыппаралар туһунан кэпсэппиппит. Комплекс бүтүннүү туспа мунньахха көрүллүбүтэ. Билиҥҥитэ элбэх үлэ ыытыллара эрэйиллэр, онон бу сылга тутуу былаһааккатыгар үлэ саҕаланыа диэн эрэнэбин".
Рудник 2 мөл. туонна руднигы уонна 3 мөл. караат алмааһы оҥорон таһаарыаҕа.
СИА.