От ыйын 17 күнүгэр Айсен Николаев анал байыаннай эпэрээссийэ кыттыылаахтарыгар судаарыстыбаннай наҕараадалары туттарда.
Тэрээһиҥҥэ Аҕа дойдуларын иһин тыыннарын толук уурбут байыастары кэриэстээн кутурҕан мүнүүтэтэ биллэрилиннэ.
“Бүгүн бүтүн өрөспүүбүлүкэ эһигини – анал байыаннай эпэрээссийэ дьоруойдарын – чиэстиир. Бойобуой хапсыһыылар ааһар лииньийэлэригэр эһиги олоххутун, доруобуйаҕытын толук уураргытын кэрэйбэккэҕит эр санааҕытын көрдөрдүгүт. Мин анал байыаннай эпэрээссийэ зонатыгар сылдьан да, манна Дьокуускайга да үрдүкү байыаннай хамаандабанньаттан, аармыйа, байыаннай чаас хамандыырдарыттан саха буойуннара хорсуннарын, бэрээдэктээхтэрин, тулуурдаахтарын иһин махтал тылларын киэн тутта истэбин. Эһиги фашизмы кыайбыт, аан дойдуга көҥүл олоҕу бэлэхтээбит эһэлэрбит, хос эһэлэрбит хорсун быһыыларын холооннооххут”, – диэн тыл эттэ наҕараадалары туттарыы кэмигэр Айсен Николаев.
Гражданскай иэһин хорсуннук, эр санаалаахтык толорбут гранатометчик Ньургун Николаевич Мочкин өлбүтүн кэннэ “Мужество” уордьанынан наҕараадаланна. Ил Дархан уордьаны дьоруой кэргэнигэр Анна Степановнаҕа уонна ийэтигэр Екатерина Егоровнаҕа туттарда. «За заслуги перед Отечеством» II истиэпэннээх уордьанынан Александр Добрецов, Алексей Зайцев, Борис Иванов, Сергей Кочемас,
Александр Пахомов, Алексей Пешков, Егор Потапов, Дьулустан Прохоров,
Николай Саввин, Прокопий Саввинов, Алексей Созонов, Аркадий Старостин,
Михаил Тогонохов наҕараадаланнылар.
«За отвагу» мэтээли байыастар Эрсан Андреев, Сергей Афанасьев,
Олег Власов, Семен Комаров, Александр Миронов, Константин Сергучев,
Александр Соров, Бронислав Ускеев, Петр Хабаров, Сергей Яковлев туттулар.
«За спасение погибавших» мэтээлинэн Анатолий Арбыкин уонна ДНР «За
отвагу» мэтээлинэн Олег Копылов наҕараадаланныдар.
Наҕараадаламмыттар ааттарыттан “Мужество” уордьан кавалера, Барс-2 этэрээт батальонун хамандыыра Василий Егоров тыл эттэ. Кини инники кирбиигэ сылдьар байыастарга матырыйаалынай-тэхиниичэскэй өйөбүл, көмө иһин Ил Дархаҥҥа махтанна. Ону тэҥэ бииргэ сылдьыбыт доҕотторугар батальон байыастара бары дьиэлэригэр төннөллөрүгэр төһүү буолбут бойобуой бэлэмнэрин, уопуттарын иһин махтанна.
СӨ Ил Дарханын уонна Бырабыыталыстыбатын пресс-сулууспата
Андрей Сорокин, СИА хаартыската
