Өрөспүүбүлүкэҕэ, бүгүҥҥү туругунан, 149 ойуур баһаара бэлиэтэнэр.
Оптуорунньукка, о.э. от ыйын 11 күнүгэр Саха сиригэр ойуур уотун умулларыыга 1047 киһи, 37 көтөр кынаттаах тиэхиньикэ уонна массыына үлэлиир. Бу туһунан ойуур хаһаайыстыбатын уонна экология миниистирин солбуйааччы Андрей Коноплев иһитиннэрдэ.
Ааспыт сууккаҕа Аммаҕа, Алдаҥҥа, Үөһээ Халымаҕа, Муомаҕа, Өймөкөөҥҥө, Орто Халымаҕа уонна Уус Майдаҕа 26 баһаары тохтоттулар.
Авиациянан уонна куосумастан кэтээн көрүү түмүгүнэн, этиҥнээх уонна чаҕылҕаннаах оройуоннарга 10 саҥа ойуур баһаара баара көстүбүт.
Санатар буоллахха, от ыйын 10 күнүттэн Хабаровскай кыраайыгар уонна Саха сиригэр эрэгийиэн таһымнаах ЧС биллэриллибитэ.