Ааспыт суукка устатыгар Саха сиригэр эбии 215 киһи хоруона хамсыгар хаптарбыта биллибит. Бу туһунан брифинг кэмигэр Ольга Балабкина кэпсээтэ.
“Роспотребнадзор дааннайдарынан, сэтинньи 30 күнүгэр 215 COVID-19 инфекцияннан сутуллубут. Дьокуускайга – 111 киһи ыалдьыбыт”, - диэтэ Балабкина. Маны таһынан, кини65 саастарыттан үөһээ саастаах дьоҥҥо уонна дьарҕа ыарыылаахтарга дьиэҕэ олоруу эрэсиимэ оннунан хаалбытын этэр. Саха сирин бары олохтоохторугар мааска эрэсиимэ, социальнай дистанция булгуччулааҕын эттэ. Үлэни биэрээччилэр кэлэктиип аҥарын дьиэттэн олорон үлэлээһиҥҥэ ыытыахтаах, ОРВИлаабыт үлэһити тута дьиэтигэр утаарыахтаахтар.
Эрэгийиэннээҕи хамсыгы бохсор суһал штаб суруйарынан, 10 ыарыһаҕы Мииринэй улууһугар, 9 – Нерюнгри, 8 – Мэҥэ Хаҥалас, 6-лыы ыарыһах – Ньурба уонна Сунтаар улуустарыгар булбуттар. Горнай, Ленскэй, Таатта, Уус Алдан, Чурапчы улуустарыгар – 5-тии ыарыһаҕы, Алдан, Бүлүү, Нам, Өймөкөөн, Өлүөхүмэ уонна Уус Майда улуустарыгар – 4-түү ыарыһаҕы бигэргэппиттэр. Иккилии ыарыһаҕы Эдьигээн уонна Кэбээйи улуустарыгар, оттон биирдии ыарыһах Амма, Үөһээ Бүлүү, Дьааҥы, Аллараа Халыма, Усуйааны уонна Хаҥалас улуустарыгар булбуттар. Хомойуох иһин, суукка устатыгар 4 киһи суорума суолланна, 2565 тест оҥоһуллубут.
