Киргизия киин куоратыгар Бишкекка – тыһыынчанан киһилээх бырачыастар буола тураллар. Бу айдаан төрүөтэ – алтынньы 4 күнүгэр буолбут парламеннааҕы быыбар түмүгэ. Ол курдук, 16 баартыйаттан, барыллааһын түмүгүнэн, 4 эрэ баартыйата ааспыта ("Биримдик", "Мекеним Кыргызстан", "Кыргызстан", "Бутун Кыргызстан").
Бэҕэһээ, алтынньы 5 күнүгэр, быыбары туораабатах баартыйалар айманан, маҥнай сүүһүнэн киһи уулуссаҕа тахсыбыт буоллаҕына, эмискэ тыһыынчанан киһилээх бырачыаска кубулуйбута.
Бырачыастааччылар этэллэринэн, инники күөҥҥэ тахсыбыт баартыйалар быыбардааччылары атыылаһан, административнай ресурсалары көмөлөһүннэрэн, уопсайынан, чиэһинэйэ суохтук киирсибиттэр.
Бэрэсэдьиэн аппараата баар Үрүҥ дьиэлэригэр саба көтөн түспүттэрэ. Полиция уонна демонстраннар икки ардыгар харгыһыы буолбута. Былаас светошумовой гранаталары уонна водомету туһаммыта. Элбэх киһи эчэйбитэ.
Экс-бэрэсэдьиэннэрин Алмазбек Атамбаевы СИЗО—ттан босхолуулларын ситистилэр. Бырачыастааччылар быыстарыгар Атамбаев кыра уола баар.
Бүгүн саамай улахан куолаһы ылбыт “Биримдик” баартыйа куоластааһыны хаттаан ыытары сөбүлэһэрин биллэрдэ, аттыттары эмиэ кыттыһалларыгар ыҥырда. Бырачыас салҕанар.