Күрэс тэрийээччилэрэ:

СӨ Үөрэх министиэристибэтэ

“Хатан” сурунаал (“Ситим” медиа-бөлөх)

Ньурба улууһун үөрэххэ салаата

Ньурба куорат дьаһалтата

“Оҕону эбии үөрэхтээһин киинэ” (Ньурбатааҕы)

“Ньурба”, “Огни Нюрбы” хаһыаттар эрэдээксийэлэрэ

“Ньурбатааҕы типография” МУТ

Ньурба улууһун кииннэммит бибилэтиэкэтэ

Ньурба улууһун дьарыктаах буолууга киинэ

Ньурба улууһун дьиэ кэргэн уонна оҕо саас дьыалатыгар Кэмитиэтэ

К.Д. Уткин аатынан доҕордоһуу түмэлэ

“Ньурба уоттара” литература-муусука түмсүүтэ

Ыытыллар кэмэ

2012 сыл олунньу 16-17 кк., Ньурба к.

Сыала-соруга:

-        Эдэр кэрэспэдьиэннэри түмүү;

-        Үөрэнээччилэри өрөспүүбүлүкэҕэ тахсар бэчээккэ интэриэһи үөскэтии;

-        Улуус, өрөспүүбүлүкэ хаһыаттарын, сурунаалларын кытта оскуолатааҕы пресс-кииннэри кытта ситими олохтооһун;

-        Уопуту үллэстии.

Уопсай балаһыанньата

Кыттааччылар суруналыыстыка суруйууларын ханнык баҕарар көрүҥүнэн үлэлэрин сахалыы  эбэтэр нууччалыы суруйан ыытыахтарын сөп (ыстатыйа, очерк, репортаж, интервью, эссе, зарисовка, о.д.а.).

Маннык хайысхаларынан сыаналанан аат-суол (номинация) иҥэриллиэ:

• “Маннык буолбута” (“Так случилось”). Оскуолаҕа, дьиэ кэргэҥҥэ, уулуссаҕа, о.д.а. буолбут түбэлтэ ааптар, дьоруой олоҕор хайдах дьайбытын, туох түмүктээх эбэтэр содуллаах буолбутун туһунан;
• “Килбиэн” (“Это – личность!”). Хорсун быһыыны, үтүө дьыаланы, о.д.а. оҥорбут киһи майгытын-сигилитин арыйыы, ырытыы, бэйэ санаатын тиэрдии.
• “Номохтор, үһүйээннэр” (“Предания, легенды старины”).
• “Чинчи” (“Это интересно...”). Дьон, айылҕа көстүүлэрин, о.д.а. туһунан.
• “Тыа сирин кыһалҕалара” (“Проблемы села”). Тыа сирин, тыа хаһаайыстыбатын, тыа сирин дьонун олоҕу-дьаһаҕын кыһалҕаларын туһунан.
• “Дойдум барахсан” (“Моя малая Родина”). Төрөөбүт сэлиэнньэҥ. нэһилиэгиҥ устуоруйатын, үгэстэрин туһунан.
• “Айар кут” (“Проба пера”). Хоһооннор, кэпсээннэр, пьесалар, о.д.а.
• “Санаа лоскуйдара” (“На мой взгляд...”). Ханнык эмэ кыһалҕа туһунан бэйэ санаата уонна ону хайдах быһаарар туһунан этии, сүбэ-ама.
• “Тигээйи” (“Сатирикон”). Фельетон, сатира, юмореска, сарж, о.д.а.
• Хаартысканан кэпсээн (фоторассказ). 6-8 хаартыскалаах. Тиэкиһэ туһунан.
• Хаартысканан репортаж (фоторепортаж). 4-6 хаартыскалаах.

Үлэлэри 2012 с. олунньу 10 күнүгэр диэри тутабыт. Ити күн кэнниттэн киирбит үлэлэр көрүллүбэттэр.

Күрэс түмүгэ олунньу 13 к. тахсар, наҕараадалааһын – олунньу 16-17 кк.

Үлэлэри “Кэрэ кэпсээн, бүппэт сонун” диэн бэлиэтээн маннык аадырыстарынан ыытаҕыт:

Этот e-mail адрес защищен от спам-ботов, для его просмотра у Вас должен быть включен Javascript (“Хатан” сурунаал)

Larisia Этот e-mail адрес защищен от спам-ботов, для его просмотра у Вас должен быть включен Javascript (Ньурба оҕону эбии үөрэхтээһин киинэ)

Эбэтэр: Ньурба к., Пушкин уул., 12. ЦДОТ.

Үлэлэргэ ирдэбил:

а) үлэ электроннай көрүҥэ (doc. форматынан) баар буолуохтаах;

б) тиэкис 1500-тэн кырата 7000-тан элбэҕэ суох бэлиэлээх буолуохтаах (пробелын ааҕан туран);

в) титульнай лиискэ ыйыллыахтаах: тэрилтэ (оскуола) аата, толору аадырыс (индекс, уулусса, төлөпүөннэр, электр.почта, ааптар аата-суола, сааһа, төлөпүөнэ, салайааччы аата);

г) ханнык хайысхаҕа кыттар аата-суола (номинация);

д) хаартыскалаах үлэлэрэ хайаан да электроннай көрүҥүнэн бэриллэр;

е) эбии сибидиэнньэлэр;

ж) биир кыттааччы биир хайысхаҕа биир эрэ үлэнэн кыттар;

е) ирдэбилгэ эппиэттэспэт үлэ күрэскэ кыттыбат.

Күрэскэ киирбит үлэлэри маннык кэриҥнэринэн сыаналанар:

- талбыт тиэмэҕэ сөп түбэһэрэ;

- сонуна сойботоҕо, суолтата сүппэтэҕэ (актуальность);

- дириҥник хорутан суруйуу, сырдатыы;

- суруйуу стилэ, тыла-өһө ырааһа, чаҕылхайа.

Дьүүллүүр сүбэ Күрэһи тэрийээччилэртэн тэриллэр. Күрэс түмүгүнэн кыайыылаахтар олунньу 17 күнүгэр Ньурба куоракка Бүлүү бөлөх эдэр кэрэспэдьиэннэрин слеттарыгар кыттыахтара. Бастыҥ үлэлэрэ улуус, өрөспүүбүлүкэ хаһыаттарыгар, сурунаалларыгар тахсыахтара. Кыттыбыт оҕолор, салайааччылар күрэскэ кыттыбыттарын туоһулуур сурук тутуохтара (сэртипикээт).

Күрэс туһунан ыйытыаххытын сөп:

“Хатан” сурунаал эрэдээктэрэ Егор Револьевич Николаев, 8(411-2)42-21-08, 89142807059.

Ньурбатааҕы оҕону эбии үөрэхтээһин Киинэ, Андреева Лариса Прокопьевна, 8(411)34-2-33-67, моб. 89142391734.