Хамнас үрдээтэ
02_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copyБэрт соторутааҥҥа диэри Саха сиринээҕи бүддьүөт эйгэтигэр үлэлиир 13 800-чэ киһи тииһинэн олоруу алын кээмэйиттэн (прожиточный минимум) кыра хамнаһы аахсаллара. 2014 сыл т...
Биэнсийэ туһунан
74_copy_copy_copy_copy_copy_copyКэнники сүүрбэ сыл устата дойдубут экэниэмикэтэ сатаан сааһыламматаҕын түмүгэр, киһи күннээҕи аһыгар-таҥаһыгар тиийэр биэнсийэ тиһигэ эмиэ кыайан оҥоһуллубата. Ол иһин, би...
Сүрүн сирэй Дьиэ кэргэн Дьахталларга Урууну аныгылыы тэрийии

Сонуннар

Олунньу 13 күнэ – Төрөөбүт тыл уонна сурук-бичик күнэ!
28-12-2015 17-08 | Көрдүлэр: 2987
Төрөөбүт тыл уонна сурук-бичик күнүн көрсө, олунньу 13 күнүттэн 21 күнүгэр диэри Саха сирин тө...
Саҥа сокуон инбэлииттэри көмүскүө
28-12-2015 16-54 | Көрдүлэр: 2832
Ил Түмэн ХХ уочараттаах пленарнай мунньаҕар дьокутааттар А.Корякин уонна А.Атласова инбэлиит д...
Максим Аммосов сырдык кэриэһигэр
28-12-2015 16-37 | Көрдүлэр: 2697
“Ахсынньы 22 күнэ – саха норуотун устуоруйатыгар бэлиэ күн. Бу күн, 1897 сыллаахха саха судаар...
Тупсарыы сыл
28-12-2015 16-31 | Көрдүлэр: 6109
2016 сылы Саха Өрөспүүбүлүкэтигэр «Нэһилиэнньэлээх пууннары тупсарыы сылынан биллэрэр туһунан”...
"Мандар ааҕыыларын" түмүктэриттэн
21-12-2015 17-38 | Көрдүлэр: 2803
Кэмпириэнсийэ пленарнай мунньаҕар тыл эппит салалта, учуонай эйгэ ытык дьоно, ыалдьыттар бука ...
Кыайыыны уhансыбыттар
12-11-2015 17-53 | Көрдүлэр: 2749
"КЫЫМ" норуот хаhыата уонна "Будь в курсе" информационнай мобильнай сыһыарыы көҕүлээһиннэр...
ИЯКН дириэктэрэ Г.Г.Торотоев
12-11-2015 17-48 | Көрдүлэр: 2877
М.К.Аммосов аатынан ХИФУ РФ хотугу норуоттарын тылларын уонна култууратын µ³рэтэр Институуту...
Сир сокуонун тула
12-11-2015 17-47 | Көрдүлэр: 3588
Сэтинньи 3 кµнµгэр Сунтаар Устьетыгар улуус Нэ´илиэктэрин ба´ылыктарын сэбиэтэ мустан, 2016 сы...
Тэрилтэлэр, урбаанньыттар бол±ойу²
12-11-2015 17-36 | Көрдүлэр: 1809
Нолуогу судургутуллубут систиэмэнэн (упрощенная система налогооблажения) т³лµ³н ба±арар, ол гы...
Ас-үөл сыанатынан үһүс миэстэлээхпит
08-10-2015 15-36 | Көрдүлэр: 2108
Тыыннаах сылдьарга сиэнэрэ булгуччулаах ыйдааҕы ас дьоҕус нобуора диэн өйдөбүл баар. Нууччалыы...
Петр Наумовы – “Я – гражданин” аакка!
08-10-2015 15-33 | Көрдүлэр: 1949
Хараҕынан бастакы курууппалаах инбэлиит, 65-с хаарын санныгар түһэрбит, Кыайыы 70 сылыгар анаа...
Муостабыт дьылҕата – Кытай инвестордарын илиитигэр?
08-10-2015 15-32 | Көрдүлэр: 1944
Өлүөнэни туоруур муоста дьэндэйэрин кэтэһээччи элбэх. Соторутааҕыта Санкт-Петербурга Росавтодо...
Сочига Арктиканы кэпсэтэллэр
08-10-2015 15-20 | Көрдүлэр: 1954
Сочига, бу дьыл алтынньы 5 к., Арктиканы сайыннарыы боппуруоһунан дьарыктанар судаарыстыба хам...
Өссө 10 оскуола
03-09-2015 20-11 | Көрдүлэр: 2010
СӨ Үөрэххэ министиэристибэтин тиһэх чахчыларыттан көрдөххө, күн бүгүн өрөспүбүлүкэ үрдүнэн уоп...
“Сибиир күүһэ” бигэргэннэ
03-09-2015 20-03 | Көрдүлэр: 1938
Бу күннэргэ премьер Д.Медведев “илин диэки” тардыллар гаас ситимин (ол иһигэр “Сибиир күүһүн”)...
* Бесплатно для абонентов СТК по всей РС(Я), (кроме ТП "Фристайл")

Урууну аныгылыы тэрийии

27.08.2012 10:18 | Автор: Владияна | Көрдүлэр: 4143   
Печать

_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copyУрууну тэринии – сиэри-туому тутуһан, эдэр дьон ыал буолбут, саҥа уруу-аймах тэриммит улахан бырааһынньыктара.

Хас биирдии омук урууну араас-араастык тэрийэр уонна ылынар. Холобур, Испания олохтоохторо уруу тэрийэллэрин мээнэ дьоҥҥо кэпсээбэккэ, чугас дьону эрэ кытта тэрийэллэр. “Сыбаайба күн эргэ тахсар кыыһы уоран да ылыахтарын сөп” диэн итэҕэллэригэр билигин да баар. Грециялар уруу бырааһынньыгын биир эрэ күн буолбакка, хас да күн бэлиэтииллэр. Украина олохтоохторо кэнники төрүт сиэринэн-туомунан салайтаран сыбаайбалыыр буоллулар

Биһиэхэ даҕаны уруу тэринэр бырааһынньык уларыйан иһэр. Сорох аймах дьонун иһигэр эрэ бырааһынньыктыыр. Оттон сорохтор бастаан аймахтарын кытта бырааһынньыктаан баран, кэлин табаарыстарын кытта үөрэ-көтө атаараллар.

 

Кэнникинэн ыал буолуу туһунан Дьокуускай куорат 1 №-дээх ЗАГС отделын салайааччыта Тамара Николаевна Кривошапкина маннык кэпсээтэ:

-                           -- Кэнники сылларга Дьокуускай куоракка кэргэннии буолуу олус элбээтэ. Улуустарга туох да уларыйыы суох, биир тэҥ көрдөрүүлээх. Киин куораттан чугас сытар улуус эдэр дьоно куоракка киирэн кэргэннии буолуулара элбээтэ. 2011 сылга Дьокуускай 2 № ЗАГСата кэргэннии буолар дьон сайаапкаларын туппат буолбута. Ол иһин ыал буолар дьон элбэҕиттэн, нэдиэлэҕэ 3 күн (чэппиэр, бээтинсэ уонна субуота күннэргэ) эдэрдэри кытта үлэлэһэр буолбуппут. Чэппиэр күн сарсыарда кэргэннии буолуу туоһу докумуоннарын судургутук оҥоробут. Онтон эбиэт кэннэ үөрүүлээх быһыыга-майгыга туоһу докумуоннары туттарабыт. Эдэрдэр докумуоннарын ылан баран, үөрэ-көтө чугас дьоннорун кытта хаартыскаҕа түһэллэр, кыра бириэмэҕэ бырааһынньыктаан ылаллар. Бириэмэбит олус ыгым, онон хас биирдии паараҕа 15 мүнүүтэ аныыбыт. Ыал буолуу сайын, күһүн уонна саас (муус устарга) элбиир. Биир күн 30-тан тахса эдэр дьон кэлэллэр. Холобур, атырдьах ыйын 17, 18 күннэригэр 78 кэргэннии буолбут дьон туоһу докумуоннарын ылбыттара. Бу, биллэн турар, олус үчүгэй. Оттон быйыл сайын биир күн 40 саҥа ыал баар буолбута.

 

 

Биһиги дойдубутугар уоллаах кыыс ыал буолуохтарын иннинэ бүтэһик көҥүл олохторун кытта “быраһаайдаһа” таарыйа кыыс  дьүөгэлэрин кытта, уол табаарыстарын кытта тус-туспа күүлэйдииллэр. Эдэрдэр уруу тэринэр бырааһынньыктара буолуон нэдиэлэ иннинэ күүлэйдээн кэлэллэр. Уруу тэриниитин бырааһынньыга буолуон иннинэ, эдэрдэр ыҥырыы суруктарын урууларыгар-аймахтарыгар, доҕотторугар-атастарыгар түҥэтэллэр. Аныгы олох буолан, ыҥырыы суруктарын араастык киэргэтэн оҥороллор. Кэнникинэн сахалыы киэргэллээх, оҥоһуулаах ыҥырыы суруга олус элбээтэ.

Эдэр дьон, кэргэннии буолбут туоһу суруктарын тутаат, куорат устун араас киэргэллээх массыыналарынан күүлэйдээн баран, нөҥүө күнүгэр биитэр хас да хонон баран уруу бырааһынньыгын тэрийэллэр. Ол гынан баран үксүгэр уоллаах кыыс кэргэннии буолбут күннэригэр сыбаайбалыыллар. Уруу-аймах тэринэр бырааһынньыгын уоллаах кыыс дьоно кыттыһан, оҕолоругар анаан тэрийэллэр. Билигин онуоха саҥаттан саҥа, аныгы сиэр-туом олус элбээбит. Кыыстаах уол кэргэннии буолбут туоһу докумуоннарын ылан баран, куорат устун араас киэргэлинэн симэммит массыыналарынан дьаарбайа бараллар. Бу үөрбүт-көппүт умнуллубат күннэрин өйдүү-саныы сылдьалларын туһугар хаартыскаҕа түһэ-түһэ, куорат саамай кэрэ миэстэлэринэн күүлэйдииллэр.

Уруу бырааһынньыгын тэрийээччи -- тамада. Кини күүстээх-уохтаах эрчимнээх тылынан бырааһынньык саҕаланыаҕыттан бүтүөр диэри үлэлиир. Сорох ардыгар тамадалар ырыа ыллыыллар. Бырааһынньык остуолугар олоруохтарын иннинэ эдэрдэр аал уоттарын саламааттаах алаадьынан, кымыһынан күндүлээн уһун үйэлээх ыал буолар туһугар көрдөһөн аһаталлар. Сорохтор куорат киинигэр кэргэннии буолбут туоһу докумуоннарын ылан баран, Арчы дьиэтигэр сахалыы сиэри-туому тутуһан бэлэм алгысчыттаах ыраастаналлар, аал уоттарын күндүлүүллэр.

Киин куоракка ыал буолбут дьон уруу бырааһынньыгын эрэстэрээни, кафены куортамнаан тэрийэллэр. Куортамныылларыгар биирдии киһиттэн ортотунан 1500 солк. көрдүүллэр. Бу суумаҕа аһыыр аһа, иһэр утаҕа барыта киирэр. Бырааһынньык саамай минньигэс, күүтүүлээх аһын -- туорду -- сорох эрэстэрээн бэйэтэ астыыр. Билигин куоракка туорт арааһын оҥорор кэмбинээт олус элбэх.

Хайа баҕарар бырааһынньык оонньуута, ырыата-тойуга суох ааспат. Эдэрдэр төрөппүттэрэ бырааһынньыкка эстрада сулустарын ыҥыран ыллаталлар. Ырыаһыттар хас биирдии ырыалара тус-туспа суумалаах. Ол курдук, аҕа саастаах, ытыктанар, аатырар ырыаһыт ыарахан сыаналаах, оттон саҥа тахсан эрэр сулус ырыатын сыаната арыычча чэпчэки буолар. Бырааһынньыгы ырыаһыттар эрэ буолбакка, аймах дьон ырыа ыллаан, үҥкүлээн өссө киэргэтэллэр.

Кэлиҥҥинэн омуктар сиэрдэрин-туомнарын тутуһар буолбуттар. Ол курдук, сүктэр кыыс дьүөгэлэрэ биир тэҥ өҥнөөх мааны былаачыйанан кылбайан сылдьаллар, оттон кэргэн ылар уол атастара түөстэригэр биир тэҥ сибэккини иилинэр буолбуттар. Бырааһынньыктарын кэмигэр кэргэннии буолбут дьон бастакы бытаан үҥкүүлэрин ыалдьыттарыгар, төрөппүттэригэр үҥкүүлээн бэлэхтииллэр. Кэргэннии буолбут эдэр ыалы, бырааһынньыктарын кэмигэр, хаартыскаҕа арааран түһэриэ суохтаахтар.

Урууну тэрийии төһө ороскуоттааҕын туһунан саҥа ыал буолбут хаһыат ааҕааччылара үөрэ-көтө санааларын үллэһиннилэр.

Айталина, Дмитрий Петровтар: Уруу бырааһынньыгын тэрээһинин эрдэттэн былааннаан, халыҥ аймахтаах дьон буоламмыт, хас биирдиибит төрөөбүт сирбитинэн оҥорбуппут. Бэйэбит чугас улуустартан сылдьабыт, онон Дьокуускайга сааскы халлаан сылааһыгар муус устар ыйга ыал буолбуппут. Бырааһынньыкка кэтэр анал таҥаспытын бэйэбит билэр дьоммутугар сахалыы тиктэрбиппит. Иккиэммит таҥаһыгар холбоон 30000 солк. кэриҥэ барбыта. Икки сиргэ бырааһынньыктыыр буолан, икки араас ыҥырыы суругу оҥорторбуппут. Ыҥырыы суругу убайбыт киэргэтэн, оҥорон биэрбитэ. Оҥорбут үлэтэ -- биһиэхэ бэлэх быһыытынан, босхо буолбута.

Кэргэннии буолбут күммүтүгэр аан бастаан Уус Алдаҥҥа уруу тэрийбиппит. Төрөппүттэрбит бэйэлэрэ тэрийэн оҥорбуттара. Тамадабыт бэйэтэ аппаратуралаах, ол өҥөтө -- 15000 солк. Уус Алданнааҕы уруубутугар ырыаһыттары ыҥырбатахпыт, бэйэбит дьоммут үөрэ-көтө ыллаан-туойан бырааһынньыкпытын киэргэппиттэрэ. Иккис уруубутун сайын сылааһыгар Хаҥалас улууһугар тахсан тэрийбиппит. Хаҥаластааҕы сыбаайбабыт дьиҥ сахалыы сиэринэн-туомунан ыытыллыбыта. Ол курдук, урууну киэҥ алааска тэрийбиппит, аспыт-таҥаспыт барыта сахалыы этэ.

Биир сонун -- аһыы утах суох этэ. Тамадабыт билэр киһибит буолан, буор босхо үөрэ-көтө ыыппыта. Сыбаайба биир саамай күндү, минньигэс аһын -- туорду эдьиийбит барахсан минньигэстик астаан күндүлээбитэ.

Уруу тэринэр бырааһынньыкпытын улууска ыыппыт буолан, аспытын-үөлбүтүн дьоммут бэйэлэрэ астаабыттара. Аска-үөлгэ ортотунан 100000 солк. кэриҥэ барбыта. Билиҥҥи сыананан, икки урууга бырааһынньыкпыт улахан ороскуота суох барда дии саныыбыт.

Айталина, Айсен Чукровтар: Уруу тэринэр бырааһынньыкпытын тохсунньу ыйтан былааҥҥа киллэрбиппит. Бырааһынньыктыыр сирбит харчытын төлөөн, эрдэттэн үлэспиппит. Бырааһынньыкпыт «Үрүҥ түүн» (Белые ночи) эрэстэрээҥҥэ буолбута. Эрэстэрээммит хас биирдии киһиэхэ 1600 солк. ороскуоттанар диэн сыана быспыта. Уопсайа, 250 ыалдьыты ыҥырбыппыт. Аҥаардас эрэстэрээммитигэр 400000 солк. тахса харчы көтө-көтө барбыта. Манна эбии бэйэбит ас астаан, аһыы утах араас  көрүҥүн эбэн биэрбиппит.

Уруу тэринэр бырааһынньыгы кэргэннии буолбут күммүтүгэр оҥорбуппут. Кэргэннии буолбут туоһу сурукпутун ыларбытыгар ЗАГСка харчы төлөөн бырааһынньык тэрийбиппит. Саха дьоно буоларбыт быһыытынан, Арчы дьиэтигэр ыраастанан, алҕанан баран,  куорат кэрэ-бэлиэ сирдэринэн доҕотторбутун кытта күүлэйдээбиппит. Бырааһынньыкпытын Айаал диэн тамада иэйэн-туойан, күлэ-үөрэ сылдьан олус үчүгэйдик ыыппыта. Тамада уонна муусуканы холбооччу үлэлэрин сыаналара холбоон 18000 солк. буолбута. Куорат устун күүлэйдииргэ бэйэбит массыыналарбытын туһаммыппыт. Массыыналары дьүөгэм босхо киэргэтэн биэрбитэ. Киэргэлбитигэр уонна дьүөгэм көмөлөһөөччүлэригэр холбоон 5000 солк. барбыта. Бырааһынньыкпытын куруутун ахта-саныы сылдьарбытыгар хаартыскаҕа түһэрээччини уонна видеоҕа уһулааччыны эрдэттэн үлэһэн, холбоон 25000 солк. үлэлээбиттэрэ.  Видеоҕа уһулааччы билсэр дьоммут киһитэ буолан, сыанатын өссө итиччэ чэпчэппитэ. Онтон сыбаайба туордун сүрүн аһын-үөлүн 5000 солк. суумаҕа туорду астыыр тэрилтэҕэ оҥорторбуппут.

Ыҥырыы суруктарбытын билэр киһибитэр улахан ороскуота суох оҥорторбуппут. Сыбаайба былаачыйатын омук сириттэн, оттон мааны көстүүмү «Европа» маҕаһыынтан ылбыппыт. Дьүөгэ кыргыттар биир тэҥ өҥнөөх матырыйаалынан былаачыйа тиктэрбиттэрэ.  Урууну тэрийэр бырааһынньыкпыт бүппүтүн кэннэ эдэр ыччаттар биһирэмнээбиппит. Төрөппүттэрбит маннык умнуллубат кэрэ бырааһынньыгы бэлэхтээбиттэрин иһин улахан махталбытын тиэрдэбит.

Майя, Петр Прокопьевтар: Биһиги ыал буоларбытын эрдэттэн күһүн тэриниэхпит диэн былааннана сылдьыбыппыт. Ый инниттэн ЗАГСка сайаапка биэрбиппит. Ыҥырыы суруктарбытын анал хампаанньаҕа 6000 суумаҕа оҥорторбуппут. Бырааһынньыктыыр былаачыйаны уонна көстүүмү холбоон 40000 солк. атыыласпыппыт. Дьокуускай куорат устун, сүрэхпитин холбообут уопсайбыт, үөрэхпит дьиэлэригэр сылдьан баран, Петя дойдутугар -- Хаҥалас улууһугар сыбаайбалыы тахсыбыппыт. Аспытын-үөлбүтүн дьоммут бэйэлэрэ астаабыттара. Үөрүүлээх күммүтүгэр чугас дьоммутун, доҕотторбутун ыҥырбыппыт. Бырааһынньыгы ыытааччы тамадабыт бэйэтин аппаратуратынан холбоон 15000 солк. буолбута. Араас оонньууга туруорар бириистэрбитин ийэбит бэйэтэ бэлэмнээбитэ, ол -- сахалыы оҥоһуктар этэ, инньэ гынан ыалдьыттар улаханнык астыммыттара, биһирээбиттэрэ. Дьокуускай куораттан дьоммут бырааһынньыкка тахсалларыгар анаан оптуобустары эрдэттэн кэпсэтэн сакаастаабыппыт. Уруу тэринэр бырааһынньыкпыт олус сэргэхтик, умнуллубаттык ааспыта.

Урууну тэрийии -- кимиэхэ баҕарар эппиэтинэстээх, умнуллубат тэрээһин. Дьон бары уруу тэриниитин араастык өйдүүр. Оттон биир бэйэм өйдүүрбүнэн, ыал буолуу, уруу тэринии -- тус олоххо саҥа суолга үктэнэр кэрчик. Бу күнтэн ыла кыыстаах уол ыал буолан, оҕо-уруу төрөтөн, дьиэ-уот тэринэн, олохторун сыалын өссө тупсаран биэрэллэр. Ыал дьон, кылаабынайа, бэйэ-бэйэни кытта өйдөһөн, өйөнсөн биир сыаллаах буолуохтарын наада.

Таптал диэн -- ыал буолуу сырдык суола!

 ВЛАДИЯНА

 

 

 

 

 



Доҕоттор кэпсээ

Ырытыыга кыттабын

Защитный код
Обновить

Гороскоп

01_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy_copy

2014 сыл гороскоба

Доруобуйа, күүс-кыах да тупсар сыла иһэр. Үтүө дьайыылаах уларыйыы тахсар сибикитэ улахан. Урукку сылларга холоотоххо, ыарахан таһаҕаһы бырахпыт курдук…

RSS-Лента