Ньурбатааҕы Ст. Васильев аатынан 1 №-дээх оскуола үрдүкү кылаас үөрэнээччилэрин төрөппүттэрэ история предметигэр СКЭ туттардылар.
Төрөппүттэри кытта улуус баһылыгын көмөлөһөөччүтэ Владимир Прокопьев, сүрүн исписэлиис Дьулустан Евсеев, үөрэх управлениетын начаалынньыгын I солбуйааччы Данил Федоров билиилэрин тургутан көрдүлэр.
Тэрийээччилэр регистрациялааһын, кылааска хайдах олороллорун о.д.а. көрдөрдүлэр. Ону таһынан, эксээмэн былааҥкатын толоруу быраабылатын кэпсээтилэр. Төрөппүттэр СКЭ-ни металлодетектор нөҥүө ааһыыттан саҕалаан, туох баар быраабыланы барытын тутуһан туран туттардылар. Кылаастарга видеонан устуу тэрилиннэ, төлөпүөнүнэн туттуу, шпаргалка бобулунна. Аахсыйа кыттыылаахтара төрөппүттэргэ аналлаах эксээмэни 30 мүнүүтэ устата суруйдулар. Төрөппүттэр СКЭ ыытыыны, тэрийээччилэр үлэлэрин үчүгэйдик сыаналаатылар.