Хоруй: Пенсия мунньуллар чааһа, ол эбэтэр, пенсионнай мунньунуу – үлэ пенсиятын өлүүтэ буолар. 2002-2004 сыллардаахха пенсия мунньуллар чааһа дьахталларга 1957 сылтан бэттэх төрөөбүттэргэ, оттон эр дьоҥҥо 1953 сылтан бэттэх төрөөбүттэргэ баар буолбута. 2005 сылтан мунньуллар чаас 1967 сылтан төрөөбүттэргэ ааҕыллар.

Булгуччулаах пенсионнай страхование кыттааччыта пенсиятын анаппакка, эбэтэр пенсия бу чааһын хаттаан аахтарбакка эрдэ олохтон туораатаҕына, кини аймахтара пенсиятын мунньуллар чааһын ылар бырааптаналлар.

Пенсия мунньуллар чааһын, бастатан туран, өлбүт киһи сайабылыанньатыгар суруйан хаалларбыт дьоно ылаллар.  Сайабылыанньа суох буоллаҕына – аймахтара, холобур, кэргэнэ, оҕолоро, төрөппүттэрэ ылаллар. Чугас аймахтара суох, эбэтэр, кинилэр бу төлөбүртэн аккаастанар буоллахтарына, харчыны атын аймахтара – убайдара, эдьиийдэрэ, эһээлэрэ, эбээлэрэ, сиэннэрэ ылыахтарын сөп.

Киһи өлбүтүн кэннэ сокуонунан көрүллүбүт быраабы туһанарга алта ый бэриллэр. Онуоха олорор сиргитигэр Пенсионнай фонда управлениетыгар тиийэн билсэн, сайабылыанньа суруйан,  аймахтыы буоларгытын бигэргэтэр докумуоннары туттарыахтааххыт. Алта ый ааспыт буоллаҕына, суутунан урукку болдьоххутун оннугар түһэттэриэххитин сөп.      Докумуон барыта толорулуннаҕына, РФ Пенсионнай фондатын Саха Республикатааҕы салаата пенсионнай мунньунуу харчытын аймахтарга төлүүр туһунан быһаарыыны ылар.