Тойону батыһан ууга түспүт, уокка киирбит суох

15.07.2011 02:53 | Автор: КЫЫМ | Көрдүлэр: 3249   
Печать

ussr0319Арыгылааһыны утары сир-дойду ахсын улахан хамсааһын тахсан эрэрэ хайҕаллаах суол. Бары бүттүүн туруннахпытына, ыччаппыт атын ханнык да омуктартан хаалсыбакка, арыгы дьайыгар булкуллубакка сайдар кыахтаныа этэ. Бу дьаһалы саарбахтыыр дьон «тойотторбут бэйэлэрэ иһэллэр, дьон ону батыһар» дииллэрин кытта сөбүлэһимээри гынабын. Ол тойону батыһан ууга түспүт, уокка киирбит суох. Ити иһэр, арыгылыыр дьон сымыйа куоһурдара. Ону тумулук туттар сыыһа, билигин дьон-сэргэ иһэр-аһыыр баһылыктары тута туоратар.

Быйыл кыһын биир улуус оскуолаларын дириэктэрдэрэ муста-муста арыгылыылларын туһунан И.Игнатьев диэн киһи хаһыакка да суруйбута, араадьыйаЇєЄҕа да тахсыбыта. Онно туох дьаһал ылыллыбыта биллибэккэ хаалла. Дьэ бу, кырдьык, сүрдээх суол — ыччаппытын, оҕолорбутун үөрэтэр, сирдиир аналлаах дьон маннык быһыыланаллара. Уопсайынан, оскуолаҕа табаҕы тардыбат, арыгыны испэт уонна сиэр-майгы өттүнэн ыраас дьон эрэ хаалан үлэлииллэрэ олох ирдэбилэ буолла. Билигин үлэтэ суох сылдьар учуутал идэлээх дьон элбэх. Сиэр-майгы өттүнэн сатарыйбыт дьону оскуолаттан тохтотолоон иһэр наада. Көссүүлэһэ-көссүүлэһэ оҕолорго сиэр-майгы туһунан араатардыыр, арыгы сыттаах кэлэн туран арыгы буортутун туһунан кэпсиир учуутал туох көдьүүстээх, туһалаах буолуоҕай?! Билигин «кырыйдыҥ» диэн матыыптаан, олоҕун оскуолаҕа анаабыт, сиэр-майгы өттүнэн эҥкилэ суох сааһырбыт учууталлары биэнсийэҕэ атаара охсон кэбиһэр майгы үөскээтэ. Ону тохтотуох баара.

Оччотугар оскуола дьиҥ ыраас-сырдык эрэ тарҕатыллар, куһаҕан тумнуллар, кырдьаҕаһы өрө тутар кыһаҕа кубулуйуох этэ. Үөрэх министиэристибэтэ бу боппуруоһу көрүө диэн баҕа санаабын этэбин.

П.Захаров,

үлэ бэтэрээнэ, Амма.