Мииринэй, Ленскэй, Ньурба (Накыыҥҥа бөртөлүөтүнэн көтөргө түмүллэр кииҥҥэ диэри айан) оройуоннарыгар баахта ньыматынан үлэлии барааччылар таксыы өҥөтүнэн туһанарга күһэллэллэр.
Таксыылар аҕыйыы тураллар. Биричиинэтэ – бэнсиин уонна диисэл уматык ыарааһына, НДС 18 %-тан 20 % буолбута, араас түһээннэр, поруомнар сүгүн туораппакка эрэйдээһиннэрэ, күргэлэр суохтара, понтуоннар алдьаныылара. Аны таксыыстарга саҥа эрэдээктээх боппуруос үөскээтэ. Быйыл үһүс кыбаарталтан хас биирдии таксыы нолуок төлүүрүгэр “он-лайн” агрегат-каассалаах буолара ирдэнэр. “Он-лайн” ньыматынан таксыы суоппара федеральнай нолуок сулууспатыгар түһээн төлүүр. Оннук нолуок төлөммүт чиэктээх билиэтин, баахта ньыматынан үлэлээччи бухгалтериятыгар тиксэрэр. Таксыыга саҥа туруоруллубут агрегат-каассаттан чиэгэ суох буоллаҕына, баахта үлэһитигэр айан ороскуота төлөммөт.
Станислав Алексеев, Мииринэй куората.