“Булт абылаҥа”

14.01.2013 11:40 | Автор: Кыым | Көрдүлэр: 5403   
Печать

545_copy_copy_copy_copy_copyУсулуобуйата: соҕотоҕун эбэтэр аҕаҕын, убайгын, эһэҕин, чугас доҕотторгун кытта сылдьан балыктаабыт, бултаабыт, сир астаабыт түгэннэриҥ хаартыскаларын ыытаҕын. Хаартыскаҕа булт быйаҥын көстүүлэрэ, саамай долгутуулаах түгэннэрэ, дьикти-дьиибэ хамсыыр-харамайдар (дьиэ кыыллара буолбатах) хаартыскалара – бу күрэскэ кыттар кыахтаахтар.

Ирдэбилэ:

  1. Күрэскэ оскуола үөрэнээччилэрэ эрэ кытталлар;
  2. Хаартыска 300 dpi итэҕэһэ суох, 1200х1200 пиксельтэн итэҕэһэ суох кээмэйдээх, JPEG буолуохтаах;
  3. Биир кыттааччы төһө баҕарар хаартысканы ыытыан сөп;
  4. Хас биирдии үлэҕэ ааптар аата, хантан ыыппыта (аадырыһа, улууһа, нэһилиэгэ, оскуолата, үөрэҕин тэрилтэтэ, төлөпүөнэ, о.д.а.), хаһан, ханна түһэриллибитэ ыйыллыахтаах;
  5. Хаартыска хайаан да ааттаах буолуохтаах;
  6. Хаартыскалары электроннай көрүҥүнэн эрэ ылабыт;
  7. Хаартыска ааптара биир эбэтэр хас да киһи буолуон сөп. Хас да киһи ааптардаах хаартыска бириискэ тигистэҕинэ – бирииһэ уонна махтал суруга биир буолар;

 

 

  • Киирбит хаартыскалары сурунаал эрэдээксийэтэ бэйэтэ билэринэн сурунаалга эбэтэр атын да сыалга-сорукка (холобур, рекламаҕа) ааптарын суруйан туран туһанар бырааптаах.
  • Үлэлэри 2013 сыл кулун тутар 1 күнүгэр диэри тутабыт. Күрэс түмүгэ “Хатан” сурунаалга, “Кыым” хаһыакка “Кустук” балаһаҕа тахсыаҕа.
  • Биир кыайыылаах уонна биһирэбил бириистэр анал ааттарынан (номинацияларынан) аттарыллан быһаарыллыахтара.
  • Кыайыылаахтары “Хатан” сурунаал эрэдээксийэтэ тэрийэр дьүүллүүр сүбэтэ быһаарар.

 

 

Ыытар аадырыскыт: Этот e-mail адрес защищен от спам-ботов, для его просмотра у Вас должен быть включен Javascript

Дьокуускай куорат, Киров уул., 18. “Биисинэс-киин”, “В” блок, 709-с офис. “Хатан” сурунаал эрэдээксийэтэ.