Дьокуускай куорат борокуратуурата дьону албыннаабыт, урут сууттана сылдьыбыт куорат олохтооҕун түөкүннээһиҥҥэ уорбалаан көбүппүт холуобунай дьыалатын суут көрүүтүгэр ыытта. Бу киһи дьону улахан харчыга ыйаабыт.
Силиэстийэ сабаҕалыырынан, уорбаланааччы былырыын ахсынньыга "Вконтакте" социальнай ситимҥэ Приморьеттан балык искэҕин атыылыырын туһунан биллэриини биэрбит, онно Саҥа дьыллааҕы сандалыларыгар искэҕи ууран көрсөөрү ыраламмыт икки дьахтар киирэн биэрбит. Сымыйа атыыһыт мобильнай бааныгар 30 тыһ. солк. ыыппыттар, ол эрээри, искэхтэрэ кэлбэтэх. Инньэ гынан, эмсэҕэлээччилэр тута полицияҕа тыллаабыттар, түөкүнү начаас туппуттар. Билигин бу киһиэхэ ханнык накаастабылы биэрэллэрин суут быһаарыаҕа.