Ийэтэ уолугар этэр: «Кыйбараҥныы сытыйан бараҥҥын, эн баракааһы оҥордоҕуҥ аайы миэхэ биир үрүҥ баттах эбиллэн иһэр». Уола эбэтин диэки көрбүт уонна эппит: «Эн даҕаны оҕо сылдьан элбэх баракааһы оҥорбуккун, үчүгэйдик кыйбараҥнаабыккын быһыылаах.

***

Электрик, химик, мэхээнньик уонна программист массыынанан айаннаан испиттэр. Ол баран истэхтэринэ, массыыналара тохтоон хаалар. Электрик этэр:

— Арааһа, өкүмүлээтэрэ олордо быһыылаах.

Химик этэр:

— Арааһа, куһаҕан бэнсиини куттубуппут быһыылаах.

Мэхээнньик этэр:

— Арааһа, кылаапанын туох эрэ бүөлүү түстэ дуу, үөдэн?..

Бары программист диэки көрөллөр: «Оттон эн туох диигин?»

Программист дөйбүт курдук олоро түһэн баран этэр:

— Перезагрузкалыахха. Массыынаттан тахсан баран саҥаттан киириэххэйиҥ.

***

Пиэрибэй кылаас оҕолоро кэпсэтэллэр:

— Павлик, улааттаххына, хас оҕолоноҕун?

— 49...

— Тоҕо 49-һуй, тоҕо 50 буолбатаҕый?

— 50 диэн тугун элбэҕэй, кэбис-кэбис, олору барыларын хайдах иитиэхпиний....

***

Эдэр испэсэлиис:

— Миигин хайдах олорорго үөрэтэ-такайа сатаамаҥ, өйдөөҕүмсүйүмэҥ! Ол кэриэтин харчынан көмөлөһүҥ.

***

Бииргэ үөрэммит уолум субуоннаан сонунун кэпсиир:

— Биһиги сарсын Женялыын Бүлүүгэ бардыбыт. Аара «тыраасса иччитин» — Сөрүөскэни  — уохтаах чекушканан айах тутуохтаахпыт. (Сөрүөскэ Дьөккөҥҥө олорор).

***

11 кылааска үөрэнэр быраатым кэпсиир:

—Домофон диэн олус үчүгэй. Төрөппүттэрим кирилиэһинэн тахсан иһэр кэмнэригэр ороммун хомуйабын, табаҕым күлүн тэбиибин уонна иһит сууйа сылдьыбыта буолабын.

***

Британия учуонайдара маннык түмүккэ кэлбиттэр: саамай элбэх битэмиин аптекаҕа баар.

***

Мин паандалары олус сөбүлүүбүн. Кинилэр дьүһүннэрэ миэхэ манныгы этэр: "Чуваак, расизм диэн суох! Мин үрүҥмүн, харабын уонна азиаппын....»

***

Аҕалара саахсаҕа саҥа төрөөбүт уолугар аат суруйтаран кэлбит уонна кэргэнигэр дьээбэлэнэн этэр:

— Уолбутун Лексус диэн ааттаатым.

— Эн баащ-ще, акаарыгын дуу, ээ?

— Ол оннугар биһиги дьиэҕэ Лексус баар буола түстэ!

— Биир Лексус уонна биир Акаары диэ!

***

Чэйи түргэнник сойутар биир үчүгэй ньыма баар: тэлэбиисэри холбоо!

***

Оптуобуска олордум... Турабын...

***

Айгыстан-айгыстан, биир өрөбүлбэр сууммакка, кырааскаламмакка маҕаһыыҥҥа таҕыстым. Кими көрсүбүппүн таайыҥ эрэ?

— Барыларын!!!!

***

Кыракый кыысчаан аҕатыгар этэр:

— Аҕаа, эн сакалаат сиэххин баҕараҕын дуо?

— Суох, мэһэйдээмэ...

— Аҕаа, эн миигиттэн эмиэ итинник диэн ыйытыый...

***

Лиибинэн үөһээ этээскэ тахсан иһэн сутуруктуу туппут уҥа илиигин өрө уун уонна үөһэ диэки тардыс – супермен курдук санан.

***

— Бүөтүр, тугуҥ да уларыйбатах, саҥа төрөөбүт оҕо курдуккун дии?

— Һэ, тоҕо бэрдэй? Ким да итинник дии илигэ...

— Саҥа төрөөбүт оҕо курдук тииһэ суоххун, тараҕайгын. Быһата, тугуҥ да уларыйбатах.

***

Үс кыыс олорбуттар.

Бастакы кыыс этэр:

— Мин спортсмеҥҥа кэргэн тахсыахпын баҕарабын. Спортсменнар наһаа күүстээхтэр...

Иккис кыыс этэр:

— Мин байыаннайга кэргэн тахсыахпын баҕарабын, кинилэр наһаа көнө уҥуохтаахтар...

Үһүс кыыс этэр:

— Оттон мин индеецкэ кэргэн тахсыахпын баҕарабын. Кинилэр наһаа сексуальнайдар...

Ол кэмҥэ таһырдьаттан хаачык киирэн кэлбит:

— Дорооболоруҥ кыргыттар, мин спорт маастара подполковник Чингачгук диэммин!

***

Өскөтүн эр киһи дьахтарга массыына аанын аһан биэрэр буоллаҕына — эбэтэр массыыната саҥа, эбэтэр саҥа кэргэннэммит.

***

Аптекаҕа уочарат:

— Доо, эһиэхэ ацидиум ацетилосалицилиум баар дуо?

— Аа, аспирин дуо?

— Даа-даа, аатын олох умна турабын ээ. Ыл, аҕал эрэ, иккитэ-үстэ.

***

Уола табахтыы олорон дьиэҕэ ийэтэ киирбитин истибит. Табаҕын бордууһунанан элиппит, үчүгэй сыты ыстарбыт. Ийэтэ хоско киирэр, уол этэр:

— Ийээ, ити мин табахтаабатым, ыалларбытыттан киирэр быһыылаах.

— Оо дьэ,  төһө баҕарар табахтаа, арыгылаа, кыыста аҕал, хаһааҥҥа диэри маннык сылдьаары гынаҕын – 44 саастааххын буолбаат...

***

Уоллаах кыыс маҥнайгы сибидээнньэлэрэ.

Уол этэр:

— Эн тоҕо наһаа үрдүк хобулугу кэттиҥ, сатаан хаампаккын дии...

— Мин эйигин уһун атахтаах эрэ кыргыттары сөбүлүүрэ буолуо диэммин...

— Суох, мин өйдөөх кыргыттары сөбүлүүбүн...

— Ээ? Ол иһин мин ачыкы кэппитим дии.

***

Дьоппуоннар уоруйахтары сойуолуур роботы айбыттар.

— Японияҕа 5 мүнүүтэ иһигэр 100 уоруйаҕы туппуттар.

— Эмиэрикэҕэ 5 мүнүүтэ иһигэр 200 уоруйаҕы туппуттар.

— Оттон Арассыыйаҕа 5 мүнүүтэ иһигэр роботтарын ким эрэ уоран ылбыт...

***

«Чаанньыктаах уу өөр да өр сойор» уонна «чаанньыктаах уу өөр да өр сойбот» диэн суолталара биир ээ.

***

Дьүөгэлиилэр кэпсэтэллэр:

— Мин оҕобор эйигин хаппыыстаттан булбуппут диэн албынныыбын.

— Биһиги эмиэ оҕобутун итинник албынныыр этибит. Билигин кини биһигини албынныырын истэбит: дьүөгэбэр курсобуой суруйа таарыйа хоно сытабын диир...

***

Устудьуон остолобуойга сакаас оҥорор:

— Миэхэ икки сосиска...

Онуоха пуобар дьээбэлэнэр:

— Хайа, нохоо, бүгүн байбыккын дуу?

— Уонна алта биилкэ.

***

Эр киһи ырбаахыта – ойоҕун сирэйэ, ойоҕун саҕынньаҕа — эр киһи сирэйэ!!!

***

Кыыс: — чкрк.

Уол: — азьыгырык.

Кыыс: — утикульук.

Уол: — Чэ, бүт эрэ, айакка!

***

Кэргэнниилэр куруорка сынньана барарга санаммыттар. Эр киһи билиэт суоҕунан биир күн эрдэлээн көппүт. Кэлэн баран Интэриниэтинэн ойоҕор сурук суруйбут. Аадырыһын сыыһа суруйан кэбиспит. Сыыһа суруллубут аадырыһынан сурук оҕонньорун күн бэҕэһээ көмпүт, огдообо дьахтарга тиийбит. Огдообо дьахтар электроннай буостатын бэрэбиэркэлииргэ санаммыт, онно аҕыйах кэриэстэбили, үтүө тылы кытта «Кэргэммэр» диэн сурук баар эбит. Дьахтар соһуйбут уонна  аахпыт: «Чыычааҕым, мин суруйарбын кэтэспэтэх буолуохтааххын. Хата, бу дойдуга Интэриниэт баар эбит. Этэҥҥэ айаннаан тиийдим диэн этээри суруйдум. Эн кэлэргин күүтэбин, туох да оһолго түбэспэккэ, этэҥҥэ мин курдук кэлэр инигин. Наһаа күүтэбин. P.S. Манна олус куйаас эбит».

***

Олохтон олус сылайдым.... Миэхэ быа наада уонна кытаанах лабаалаах мас... Хачыал оҥостуом уонна хачыаллыы-хачыаллыы олоруом...

***

Биһиги бары харандаас курдукпут ээ. Киһи барыта тус олоҕун уруһуйдуур. Ким эрэ тостор, ким эрэ сыппыыр, ким эрэ уһугун сытыыланар уонна салгыы уруһуйдуур...

***

Баскыһыанньа күн нэһилиэнньэ үксэ кэриэтэ: «Оо дьэ, сарсын бэнидиэнньик, эмиэ үлэлии барыахха наада», — диэн өрө тыынар.

***

..."Эн тугу эрэ гыныахтааххын!!!" дииллэрин абааһы көрөбүн. Тугу гынарым — Нолуок кодексыгар, тугу гыныа суохтааҕым Холуобунай кодекска сурулла сылдьар. Атына мин үтүө көҥүлүм буолбатах дуо?..

***

— Алло, дорооболоруҥ... Дьыссааттан эрийэбит ээ... Эһиги оҕоҕут уочарата кэллэ.

— Оо, үөрүүлээх сонунуҥ иһин улахан баһыыба. Уолбут бэҕэһээ аармыйалаабыта....

***

Өскөтүн эн бэйэҕин туох да буруйа, аньыыта-харата суох аанньал курдук сананар да буоллаххына, син биир кынатыҥ тыаһын сөбүлээбэт дьон көстүөхтэрэ. Олох диэн оннук...

***

Мегафон этэринэн, инниким бэйэбиттэн тутулуктаах! Кока-кола барыта үчүгэй буолуо диэн эрэннэрэр! Газпром баҕа санаа туолар диэн тоһоҕолуур! Tefal мин туспар өрүү кыһаллар! Maybelline бары эйигинэн киэн тутталлар диир. Дьэ, бэрт да буолар эбит...

***

Шпаргалканы 100 солкуобайдаах кумааҕы харчыга харандааһынан суруйдахха, устудьуонтан шпаргалканы былдьааһын сэрэхтээх –харчыны кыһарыйан ылыы...

***

Кыыһа уолун аармыйаҕа атаарарыгар хаартыскатын бэлэхтиир. Сыл аҥаарынан суруйар:

—Мин атын уолланным, баһаалыста, бырастыы гын уонна хаартыскабын төттөрү ыыт.

Уол табаарыстарыттан кыргыттарын хаартыскаларын барытын  хомуйан ылан кыыска маннык суруктаах ыытар:

— Мантан ханныга эйиэнэ буоларын билбэппин, ордубутун төттөрү ыытаар...

***

Тыаҕа уолу ыыттахха, 3 киилэ отону хомуйар. Кыыһы ыыттахха, 5 киилэ отону хомуйуо. Оттон иккиэннэрин тэҥҥэ ыыттахха, 8 киилэ отону хомуйаллара саарбах ээ...

***

30 сылы быһа таҥас ыйааччынан үлэлээбит киһи, хараххыттан уонна хаамаргыттан көрөн, сонуҥ ыйыыр быата баарын-суоҕун быһаарыан сөп.

***

Икки блондинка кафеҕа олороллор. Биирэ этэр:

— Кофе бүгүн хайдах эрэ атын амтаннаах.

— Акаарыгын дуу, чэй буолбат дуо.

Официант:

— Кыргыттар, өссө какао иһэҕит дуо?

***

Устудьуон уол кыыһын кытта үҥкүүлүү сылдьан  эмискэ сууллан түһэр.

— Уута, уута! — кыыс хаһыытыыр. Уу аҕалаллар уонна уолга иһэрдэллэр.

Уол нэһиилэ хараҕын аһар уонна:

— Уонна килиэптэ.

***

Ыал аҕата түүнү быһа үлэлээн кэлэр.

Оҕолоро хаһыытаабытынан көрсөллөр:

— Аҕаа, аҕаа! Оонньуохха!

— «Мавзолейдаах» оонньуохха. Мин Ленин буолуом, оттон эһиги харабыллар.