Муус устар 15 күнүгэр “Биир ньыгыл Арассыыйа” баартыйа барыллаан куоластааһыныгар эдэр дьон кимиэллээхтик киирсэн эрэллэр. Урукку өттүгэр дьокутааттаан көрбөтөх эрээри, бэйэлэрин эйгэлэригэр балай эмэ киэҥник биллэр буолбут эдэр дьон ааттарын биэрэбит. Кинилэр аныгы кэм сиэринэн социальнай ситимнэргэ хас хардыыларын отчуоттуур үгэстээхтэр. Онон кинилэр тустарынан кэтиир-маныыр дьон күннээҕи олохторун бэркэ билэллэр. Бу куоластааһыны кинилэр бар дьоннорун иннигэр бүгүҥҥү күннээҕи ыйааһыннарын, рейтиннэрин билээри тэрийэбит.
Өскөтүн бүгүн быыбар буоллаҕына, бу эдэр дьонтон хайаларын талыаҥ этэй? Куоластааһын муус устар 10 күнүгэр, киэһэ 12 ч. түмүктэниэҕэ.
-
398Айхал Иванович Габышев30.02%
-
88Лебедев Виктор Николаевич6.64%
-
24Семенов Гаврил Иннокентьевич1.81%
-
550Бубякин Прокопий Петрович41.48%
-
266Никитин Захар Николаевич20.06%
Айхал Иванович Габышев
Айхал Иванович Габышев 1977 сыллаахха Бороҕоҥҥо төрөөбүтэ. 2003 сыллаахха СГУ саха салаатын, Турцияҕа Анкара университетын тюрколог идэлээх бүтэрбитэ. Маны таһынан, “национальная экономика”, “промышленное и гражданское строительство”, “управление развитием бизнеса” идэлэрдээх. Урукку өттүгэр тас сибээс министиэристибэтигэр, ыччат миниистирин солбуйааччытынан, дьиэ кэргэн кэмитиэтин бэрэссэдээтэлин солбуйааччытынан, “Туймаада-нефть” салайааччытын солбуйааччытынан үлэлээбит уопуттаах. 2014 сылтан “Союз строителей Якутии” Ассоциация генеральнай дириэктэринэн үлэлиир. “Аҕалар лигалара” уопсастыбаннай түмсүү салайааччыта.
Лебедев Виктор Николаевич
Лебедев Виктор Николаевич 1988 сыллаахха Тополинайга төрөөбүтэ. Олимпийскай эрэллэр училищеларын уонна ХИФУ физкультура институтун бүтэрбитэ. Көҥүл тустууга Аан дойду икки төгүллээх чөмпүйүөнэ, боруонса призера. Европа чемпионатын боруонса призера, Арассыыйа 6 төгүллээх чөмпүйүөнэ. Арассыыйа спордун үтүөлээх маастара. 2017 сыллаахха улахан спортан барбыта уонна куорат мээрин сүбэһитинэн анаммыта.
Семенов Гаврил Иннокентьевич
Семенов Гаврил Иннокентьевич 1983 сыллаахха Ньурбаҕа төрөөбүтэ. Историк уонна юрист идэлээх. Ыччат министиэристибэтигэр исписэлиистэн саҕалаан миниистир бастакы солбуйааччытыгар тиийэ үлэлээбитэ. Билигин “Научно-образовательный центр агротехнологического образования экологии и туризма” эбии үөрэхтээһин тэрилтэтин дириэктэринэн үлэлиир.
Бубякин Прокопий Петрович
Бубякин Прокопий Петрович 1981 сыллаахха Амма Эмиһигэр төрөөбүтэ. СГУ саха салаатын уонна РАНХИГС бүтэрбитэ. “Саха сирэ” хаһыат сүрүн эрэдээктэрэ.
Никитин Захар Николаевич
Никитин Захар Николаевич, 1978 сыллаахха Мэҥэ Хаҥалас Таратыгар төрөөбүтэ. Култуура колледжын уонна Улан-Удэҕэ култуура академиятын бүтэрбитэ. СӨ култууратын туйгуна, Мэҥэ Хаҥалас улууһун дьокутаатынан, Тарат баһылынан үлэлээбитэ. Билигин Дьокуускайдааҕы култуура уонна ускуустуба колледжын салайар.
Сэҥээриилэр
Бу маннык дьон депутат буола сатыыллара, балартан достойнай эдэр дьон суо5а кыбыстыылаах суол. бу дьон химия собуотун, ракета 2 ступенын, дальневосточнай гектар, Путин уоруйах былаасын тусунан тугу саныылларын ыйытын эрэ, басаалыста.