Быдьар сурах-садьык тула
 Бүгүн, балаҕан ыйын 9 күнүгэр, «Спорт Якутии» хаһыакка ааптар Илья Можаров суруйбут «Млечный путь Игоря Егорова» диэн ааттаах ыстатыйата таҕыста.
Дьон-сэргэ сөбүлээн истэр Саха сирин биир чаҕылхай ырыаһыта, күөх Ньурбаттан төрүттээх Игорь Егоров туһунан аһаҕастык кини олоҕун, санаатын хаһыат ыстатыйата сырдатар. Кэнники бириэмэҕэ, Интернетынан саптаннар, ырыаһыт Игорь Егоров туһунан араас куһаҕаны, быдьары сурах-садьык гынан тарҕаттылар. Күүстээх санаалаах эрэ киһи тулуйар дьыалата буолла. Игорь ыстатыйаҕа ааптар биэрбит аһаҕас боппуруостарыгар сиһилии эппиэттээтэ. Итинник быдьар сураҕы атын сыаллаах-соруктаах дьон тарҕаппыттара биллэр дьыала.
Олох салҕанар
 Бэҕэһээ Саха сирин баһылыга Егор Борисов сааскы халаан уутуттан эмсэҕэлээбит нэһилиэктэргэ сырытта.
Нам уонна Хаҥалас улуустарын эмсэҕэлээбит дэриэбинэлэр олохтоохторун кытары көрүстэ. Хоточчу уонна 2 Хомустаах дьоно тыын боппуруостарыгар толору эппиэти ыллылар. Президент нэһилиэнньэ кыаммат араҥатыгар туох баарынан дойду көмөтүн уонна өйөбүлүн тохтоппотун эрэннэрдэ. Үлэлиир кыахтаах дьон сатанарынан үөскүүр ыарахаттары бэйэлэрэ туоруохтаахтар. Судаарыстыба кинилэри өйүүр, көмөлөһөр, ол гынан баран толору иитэн-аһатан моонньуга олордор кыаҕа суох.
Саҥа оскуола аһылынна
 Хаҥалас улууһун Улахан-Ааныгар Малдьаҕардааҕы саҥа орто оскуола аанын тэлэччи аста.
Саҥа оскуола үөрүүлээх аһыллыытын сиэрэ-туома өрө көтөҕүллүүлээхтик ааста. Саха сирин президенэ Егор Борисов, бырабыыталыстыба бэрэссэдээтэлин солбуйааччылара Феодосия Габышева, Анатолий Скрыбыкин, үөрэх миниистирэ Афанасий Владимиров уонна да атыттар оскуола аһыллыытыгар кыттыыны ыллылар.
Контоев уонна Иннокентьев чемпионакка кыттыбат буоллулар
 Балаҕан ыйын 6 күнүттэн саҕалаан биир нэдиэлэ устатыгар Москубаҕа тустууга аан дойду чемпионата ыытыллар.
Онно Саха сириттэн алта тустуук кыттыыны ылар диэн эрдэ этэн тураллар. Виктор Лебедев саамай чэпчэки ыйааһыҥҥа – 55 киилэҕэ – Арассыыйа сүүмэрдэммит хамаандатыгар киирэн тустар. Александр Контоев 60 киилэҕэ Белоруссия хамаандатын аатыттан киирсиэхтээх этэ. Михаил Захаров, Иннокентий Иннокентьев, Айаал Лазарев – араас ыйааһыҥҥа Киргизия хамаандатыгар бааллар. Оттон Виталий Корякин Таджикистан сүүмэрдэммит хамаандатыгар баар диэн этэ.
Байкаллааҕы экономическэй форум: сайдыы саҕаҕа
 Байкаллааҕы экономическэй форум бэйэтин үлэтин Иркутскай куоракка түмүктээтэ.
Кини түмүктэрин Федерация Сэбиэтин бэрэссэдээтэлэ, экономическэй форум тэрийэр кэмитиэтин бэрэссэдээтэлэ Сергей Миронов кэпсээтэ уонна маннык форум сыл аайы ыытыллар буолуо диэн эрэннэрдэ. Саха сирин делегациятын форумҥа СӨ президенин уонна бырабыыталыстыбатын администрациятын салайааччыта Айсен Николаев иилээн-саҕалаан илдьэ сырытта. Байкаллааҕы экономическэй форум үлэтигэр аан дойдуттан барыта 17 судаарыстыба кыттыыны ылла. Элбэх дуогабардар оҥоһулуннулар уонна кэскиллээх кэпсэтиилэр бардылар.
Үрдүк тэрээһиннээх Саха сирин норуоттарын V Спортивнай оонньууларын түмүгэ
 Балаҕан ыйын 7 күнүгэр Саха сирин норуоттарын V Спортивнай оонньууларын түмүгэ таҕыста. Бэҕэһээ, балаҕан ыйын 8 күнүгэр, спонсордарга махтал суруктар туттарылыннылар.
Оонньуулар кэмнэригэр 4000 тахса киһи аккредитацияланна. Өрөспүүбүлүкэ уонна федеральнай бүддьүөт суоттарыгар Өлүөхүмэ куоракка спортивнай объектар тутулуннулар: стадион, спортивнай комплекс о.д.а. Өлүөхүмэ куораты тупсарыыга элбэх үлэ ыытылынна. Бэлэмнэнии үлэтэ 2006 сылтан саҕаламмыта. 15 рабочай хамыыһыйа тэриллибитэ.
Алексей СЕРГУЧЕВ: «Саха арыгыны испэтэ көнө»
 Саха өрөспүүбүлүкэтин бэрэсидьиэнин иһинэн дьиэ кэргэн уонна оҕо-аймах кэмитиэтэ тэриллэн үлэлээбитэ номнуо 18-с сылыгар барда. Бастакы бэрэсидьиэммит Михаил Николаев уопсастыба туруга биирдиилээн ыал олоҕуттан быһаччы тутулуктааҕын өйдөөн, Арассыыйа судаарыстыбатыгар аан бастакынан, дьиэ кэргэни өйүүр, ыал кыһалҕатын быһаарсар кэмитиэти тэрийбитэ. Билигин, Саха сирин холобурун батыһан, атын регионнарга маннык үлэлээх-хамнастаах кэмитиэттэр, департаменнар, оннооҕор Саратов уонна Томскай уобалаһыгар дьиэ кэргэн бэлиитикэтигэр уонна демографическай сайдыыга министиэристибэлэр кытары тэриллэн үлэлииллэр.
Велосипедистар күннэрэ бэлиэтэниэ
 Күнтэн күн киин куоракка, өрөспүүбүлүкэ улуустарыгар велосипед тэбэ сылдьар дьон элбээн иһэллэр.
Урут туран эрэр оҕолор тэбэр буоллахтарына, билигин араас саастаах дьон велосипеды астынан туран тэбэн сыыйаллар. Болуоссаттарга оҕолор араас, киһи үөйбэтэх, мэнээк дьон сатаабат, ойууларын велосипедынан көрдөрөллөр.
Николай Чуор аата умнуллуо суоҕа
 Бу сарсыарда Саха сирин биир биллиилээх поэта, кириитигэ, суруналыыһа, Саха сирин суруйааччыларын союһун чилиэнэ, Арассыыйа суруналыыстарын бириэмийэтин лауреата Николай Иванович Харитонов – Николай Чуор кун сириттэн курэннэ. Кини 1935 сыллаахха Ньурба Куочайыгар төрөөбүтэ. Сэрии кэмигэр тулаайах хаалан Араҥастаах оҕо дьиэтигэр иитиллибитэ. Чуор айар дьоҕура ордук таптал иэйиитин дьүһүйүүгэ арыллыбыта. Элбэх хоһоонноро дьон таптыыр ырыалара буолан ылланаллар. Саха норуота кини хоһооннорун ааҕарын, ырыаларын ыллыырын тухары, Николай Чуор аата умнуллуо суоҕа.
|
|
|
|
|
Бу 1 сирэй 55 иһиттэн
|
Быйыл өрөспүүбүлүкэ үрдүнэн 478072 туона от оттонно, эбэтэр былаан 97,1 % туолла (олохтоммут былаан 507443 туона этэ). Ааспыт сыл бу кэмигэр 492278 туона оттоммута. 
Балаҕан ыйын 16 - 17 күннэригэр Дьокуускай уоннна Покровскай куораттарга ыытыллар Москуба күннэрин көрсө бастайааннай бэрэстэбиитэлистибэ күүстээх үлэни ыытар.
Бу күннэрг... 
TOP
ИА «Кыым», зарегистрировано 22.04.2010 г. УФСНСЗ в сфере массовых коммуникаций,
связи и охране культурного наследия
