Велосипедистар күннэрэ бэлиэтэниэ
 Күнтэн күн киин куоракка, өрөспүүбүлүкэ улуустарыгар велосипед тэбэ сылдьар дьон элбээн иһэллэр.
Урут туран эрэр оҕолор тэбэр буоллахтарына, билигин араас саастаах дьон велосипеды астынан туран тэбэн сыыйаллар. Болуоссаттарга оҕолор араас, киһи үөйбэтэх, мэнээк дьон сатаабат, ойууларын велосипедынан көрдөрөллөр.
Николай Чуор аата умнуллуо суоҕа
 Бу сарсыарда Саха сирин биир биллиилээх поэта, кириитигэ, суруналыыһа, Саха сирин суруйааччыларын союһун чилиэнэ, Арассыыйа суруналыыстарын бириэмийэтин лауреата Николай Иванович Харитонов – Николай Чуор кун сириттэн курэннэ. Кини 1935 сыллаахха Ньурба Куочайыгар төрөөбүтэ. Сэрии кэмигэр тулаайах хаалан Араҥастаах оҕо дьиэтигэр иитиллибитэ. Чуор айар дьоҕура ордук таптал иэйиитин дьүһүйүүгэ арыллыбыта. Элбэх хоһоонноро дьон таптыыр ырыалара буолан ылланаллар. Саха норуота кини хоһооннорун ааҕарын, ырыаларын ыллыырын тухары, Николай Чуор аата умнуллуо суоҕа.
Ырыаһыт Игорь Егоров туһунан аһаҕастык
 Кэнники бириэмэҕэ ырыаһыт Игорь Егоров туһунан араас куһаҕан, быдьар сурах-садьык тарҕанна. Интернетынан туһанааччы дьон бэркэ диэн билэн олорор ким ити курдук сурахтары тарҕатарын. Сарсын, балаҕан ыйын 9 күнүгэр, «Спорт Якутии» хаһыакка ааптар Илья Можаров суруйбут «Млечный путь Игоря Егорова» диэн ааттаах ыстатыйата тахсар. Дьон-сэргэ сөбүлээн истэр Саха сирин биир чаҕылхай ырыаһыта, күөх Ньурбаттан төрүттээх Игорь Егоров туһунан аһаҕастык хаһыакка ааҕыҥ.
Аны, Айсен Николаев уочарата кэллэ…
 Дьэ, үчүгэй үтүктүһүү буолбут, доҕор! Тойотторбут ойон тура-тура блог астан эрэллэр. Дьиктитэ баар, бу дьон уһун холлороон көрүдүөрдээх уораҕай «олохтоохторугар» холоотоххо, саастарынан балайда эдэрдэр. Онон, кэлиҥҥи кэм төрүөх дьон көмпүүтэри, инеты кытары атах тэпсэр кыахтаахтар буоллаҕа. Урут да астыахтарын сөбө. Модьуйуу күүһүнэн интернеккэ сыһыннылар дуу, баҕа өттүлэринэн дуу? Блогтанар муода аастаҕына, быыллыйан баран саҥардыллыбакка кэхтэр буолуохтаахтар.
Тойону отунан-маһынан оҥорбоккун…
 «Тойон аата тойон», «тойону отунан-маһынан оҥорбоккун» диэн этии баар. Былаастаах дьон тутулуктаах дьоннорун хабыр илиигэ, тыйыс тыыҥҥа туталлара урут да баара, аны да баар.
«Эхо столицы» куорат хаһыатыгар «Когда начальник хуже фашиста» диэн бастаах ыстатыйа таҕыста. Онно ааптар Али Можайскай, Дьокуускайдааҕы базовай медколледж түөрт преподавателэ тойоннорун үҥсэн прокуратураҕа, доруобуйа харыстабылын министиэристибэтигэр баран эрэллэрин туһунан суруйар.
Саха сирэ ЭКСПО-2010 быыстапкаҕа кыттар
 ЭКСПО-2010 аан дойдутааҕы универсальнай быыстапка Шанхайга ыам ыйын 1 күнүттэн алтынньы 31 күнүгэр диэри үлэлиир. Быыстапкаҕа 200-тэн тахса дойду, регион уонна тэрилтэ кыттар. Бэҕэһээ, балаҕан ыйын 6 күнүгэр, Арассыыйа павильонугар Саха сирин экспозицията арылынна.
ЭКСПО-ҕа Арассыыйа секциятын Генеральнай комиссара Владимир Страшко экспозицияны арыйыыга Саха сирин экспозицията Хоту сир тыйыс усулуобуйатыгар куорат цивилизациятын бары өрүттэрин кытта билсиһиннэрэр уонна опыт атастаһарга кыах биэрэр, диэн тоһоҕолоон эттэ.
Самолет билетын сыаната түспэт
 Россия авиахампаанньалара ис маршруттарга толорута да суох сөмөлүөттэргэ сыаналарын түһэрбэттэр. Маннык түмүккэ монополияны утары федеральнай сулууспа (ФАС) пассажирдары тиэйии ырыынагар сыананы оҥоруу политикатын бэрэбиэркэлээһин түмүгэр кэллэ.
ФАС тиэйээччилэри 2009 сыл ортотугар эмиэ бэрэбиэркэлии сылдьыбыта. Оччолорго, уматык сыаната хамсыырынан сибээстээн, билет сыаната бэрэбиэркэлэммитэ. Бэҕэһээ сулууспа уматык сыаната түспүтэ авиахампаанньалар ороскуоттарыгар кыраһыын өлүүтүн 40-45 бырыһыантан 24 % диэри намтатта диэн иһитиннэрдэ. Ол үрдүнэн сөмөлүөт билетин сыаната түһэ илик.
Дойдуну салайартан аккаастанна
 Быйыл алтынньы 24 күнүгэр Кирсан Илюмжинов Калмыкия президенэ буолан олорбута төрдүс болдьоҕо ааһар.
Кини бэһис төгүлүн дойду баһылыга буолуон баҕарбатын эттэ. Бэҕэһээҥҥиттэн саҕалаан Калмыкияҕа ким салайааччы буоларын туһунан бастакы консультациялар саҕаланнылар. «Биир Ньыгыл Арассыыйа» паартыйа саайтыгар хандьыдааттар ааттара тахса илик. Бука бу күннэргэ быһаарыллара буолуо.
Үс саха ойохтоох Насрулла
 Билэр киһим: «Инна, элбэх ойохтоох киһини кытта билиһиннэриэхпин сөп», -- диэн эрийбитигэр мин соһуйа иһиттим. Суруналыыс киһи көрүөн-билиэн баҕарар баҕатын уйумуна, сөбүлэһэ оҕустум. Инньэ гынан, биир үтүө күн кими, хайдах киһини көрсүөхпүн өйбөр оҥорон көрө-көрө көрсүһүүгэ аттанным. «Султаан эбитим буоллар, үс ойохтонуом этэ» диэн ырыаны өйдүүр инигит? Баран иһэн санаатахпына, элбэх кэргэннээх киһи хайаан да султаантан итэҕэһэ суох, аҕамсыйан эрэр эр бэрдэ буолуохтаах.
|
|
|
|
|
Бу 1 сирэй 54 иһиттэн
|
Быйыл өрөспүүбүлүкэ үрдүнэн 478072 туона от оттонно, эбэтэр былаан 97,1 % туолла (олохтоммут былаан 507443 туона этэ). Ааспыт сыл бу кэмигэр 492278 туона оттоммута. 
Балаҕан ыйын 16 - 17 күннэригэр Дьокуускай уоннна Покровскай куораттарга ыытыллар Москуба күннэрин көрсө бастайааннай бэрэстэбиитэлистибэ күүстээх үлэни ыытар.
Бу күннэрг... 
TOP
ИА «Кыым», зарегистрировано 22.04.2010 г. УФСНСЗ в сфере массовых коммуникаций,
связи и охране культурного наследия
